Ahilyanagar News: वर्षभर दरात झालेली पडझड आणि अवकाळी पावसासारख्या नैसर्गिक आपत्तीने झालेले मोठे नुकसान अशी पार्श्वभूमी असूनही शेतकऱ्यांचा कल कांदा लागवडीकडेच असल्याचे दिसून येत आहे. यंदा आतापर्यंत खरीप, लेट खरीप, रब्बी हंगामाचा एकत्रित विचार करता सुमारे तीन लाख हेक्टरवर कांदा लागवड झाली आहे. तसेच रब्बीच्या लागवडी अद्यापही सुरू आहेत..केवळ रब्बी हंगामात आतापर्यंत १ लाख ८० हजार हेक्टरपेक्षा अधिक क्षेत्रावर कांदा लागवड झाली आहे. उन्हाळी लागवडीचा विचार केल्यास एकंदर लागवडीचा आकडा साडेतीन लाख हेक्टरवर जाण्याचा अंदाज व्यक्त केला जात आहे..Onion Production: उत्पादन खर्चाच्या तुलनेत कांद्याचा परतावा अपुरा.अहिल्यानगर जिल्ह्यात यंदा खरिपात १९ हजार ८६३ हेक्टरवर लागवड झाली होती. खरिपात पाथर्डी, अहिल्यानगर, कर्जत, श्रीगोंद्यात कांदा लागवडीचे क्षेत्र बऱ्यापैकी होते. लेट खरिपात ९७ हजार ८८४ हेक्टरवर लागवड झाली..या हंगामातही पारनेर, नगर, कर्जत, जामखेड, श्रीगोंद्यात अधिक क्षेत्र होते. रब्बीत आतापर्यंत (१२ फेब्रुवारीपर्यंत) १ लाख ८० हजार ३६६ हेक्टरवर कांदा लागवड झाली आहे. तिन्ही हंगामांत मिळून आतापर्यंत कांदा लागवडीचे क्षेत्र ३ लाख ९६ हेक्टर झाले आहे..Onion Crisis: कांदाप्रश्नी केंद्राचा हस्तक्षेप गरजेचा.रब्बीतील अंतिम आकडेवारी आणि उन्हाळी लागवडीचा विचार केला, तर यंदा साडेतीन लाखांपर्यंत कांदा लागवड क्षेत्र होण्याचा अंदाज आहे. आतापर्यंतचा विचार केला तर पारनेर तालुक्यात सर्वाधिक सुमारे ६० हजार हेक्टरवर लागवड झाली आहे. त्या पाठोपाठ श्रीगोंद्यात सुमारे ३७ हजार हेक्टर, कर्जतला सुमारे ३३ हजार हेक्टरवर लागवड झाली आहे..खरीप, लेट खरीप, रब्बीमधीलकांदा लागवड क्षेत्र (आकडे हेक्टरमध्ये)अहिल्यानगर २६,९६०पारनेर ५९,५३०पाथर्डी २४,८५५कर्जत ३३,२१३जामखेड १८,२६६श्रीगोंदा ३७,५५२श्रीरामपूर १०,४९०राहुरी १०,४९२नेवासा २५,९२३शेवगाव १३,६२७संगमनेर १५,०७६कोपरगाव १०,३६८अकोले ८,९५५राहाता ४,७६९.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
