Low Onion Rates affecting Maharashtra Farmers: कांद्याला मिळत असलेल्या अत्यल्प दरामुळे आर्थिक संकटात सापडलेल्या राहुड (ता.बागलाण) येथील शेतकऱ्याने गळफास घेत आत्महत्या केल्याचे रविवारी (ता. २४) उघड झाले. .गुलाब केशव निकम (वय ५९) असे मृत शेतकऱ्याचे नाव आहे. निकम शनिवारी (ता.२३) रात्री जनावरांना चारा टाकण्यासाठी शेतात गेले होते. रात्री ते तेथेच थांबले. मात्र रविवारी सकाळी उशिरापर्यंत घरी न परतल्याने मुलगा चेतन खळ्याकडे गेला असता, वडिलांनी गळफास घेतल्याचे निदर्शनास आले..Onion Farmer Death: कांदा वाचविण्याच्या धावपळीत अल्पभूधारक शेतकऱ्याचा दुर्दैवी अंत.घटनेची माहिती मिळताच वन समितीचे अध्यक्ष अशोक ठाकरे यांनी जायखेडा पोलिस ठाण्याशी संपर्क साधला. सहायक निरीक्षक सागर काळे यांच्या मार्गदर्शनाखाली पोलिसांनी घटनास्थळी भेट देत पंचनामा केला. तलाठी विष्णू गायकवाड यांनीही वरिष्ठांना घटनेचा अहवाल सादर केला..Farmer Death: कसमादे पट्ट्यात दोन शेतकऱ्यांच्या आत्महत्या.राहुड गावात त्यांच्यावर अंत्यसंस्कार करण्यात आले. गुलाब निकम यांच्यामागे वृद्ध आई, पत्नी आणि तीन मुले असा परिवार आहे..निकम हे अल्पभूधारक शेतकरी असून, भाऊ रवींद्र निकम यांनी दिलेल्या माहितीनुसार, त्यांच्यावर ८ ते ९ लाख रुपयांचे कर्ज होते. कांद्याला अपेक्षित भाव न मिळाल्याने तसेच मुलांच्या बेरोजगारीमुळे त्यांचे लग्न जुळण्यास अडचणी येत असल्याने ते गेल्या १५ दिवसांपासून मानसिक तणावाखाली होते. परतीच्या पावसात त्यांचा कांदा मोठ्या प्रमाणात खराब झाला होता. उरलेल्या कांद्याला मातीमोल भाव मिळाल्याने ते अडचणीत आले होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
