Pune News: जुन्नर तालुक्यात सध्या वेगात कांदा लागवड सुरू आहे. मात्र लागवडीला उत्पादक शेतकऱ्यांना वीज, पाणी, कांदा रोपे व महिला मजूर आदींची सांगड घालावी लागत आहे. त्यामुळे उत्पादकांना तारेवरची कसरत करावी लागत असल्याचे चित्र आहे..ओतूर परिसरातील कांद्याच्या लागवडीच्या क्षेत्रात यावर्षी सलग तीन वर्षे बाजारभावातील मंदीमुळे व उत्पादन खर्चात झालेल्या वाढीमुळे थोडी घट झाली आहे. पहिल्या टप्प्यात परतीच्या पावसामुळे काही भागातील कांदा रोपे वाया गेली. मात्र, दुसऱ्या टप्प्यात असलेली मागास कांदा रोपे मोठ्या प्रमाणात उपलब्ध होणार आहे..Onion Farming: दर्जेदार कांदा उत्पादनासाठी सिंचन व्यवस्थापन महत्त्वाचे.जुन्नर तालुक्यातील एकूण लावगड क्षेत्रापैकी ७० टक्के लागवड क्षेत्र हे ओतूर कृषी मंडळ विभागात समाविष्ट होणाऱ्या ४१ गावांत होत असून, त्यात प्रामुख्याने ओतूर, उदापूर, डिंगोरे, रोहोकडी, चिल्हेवाडी पाचघर, आंबेगव्हान, पिंपळगाव जोगा, नेतवड, माळवाडी, बल्लाळवाडी, खामुंडी, डुंबरवाडी, धोलवड, ठिकेकरवाडी या गावामध्ये कांदा लागवड मोठ्या प्रमाणात होते..Onion Farming: साताऱ्यात पावसाची कांदा रोपे निर्मितीत अडचण .यावर्षी परतीचा पावसामुळे या भागातील कांदा उत्पादक शेतकऱ्यांनी टाकलेली कांदा रोपे सडली आहेत. ती वाहून गेल्याने वाया गेली असल्याने कांदा रोपांचा पहिल्या टप्प्यातील लागवडींमध्ये रोपांचा तुटवडा निर्माण झाला आहे..कांदे लागवडीसाठी ७०० ते ८५० रुपये मजुरी महिलांना दिली जाते. तुटवडा आल्याने एकरी वीस ते पंचवीस हजार रुपयांप्रमाणे कांदा रोप खरेदी केले आहे. मागील वर्षी कांदा विक्री करून उत्पादन खर्चही हाती लागला नाही. यावर्षी तरी सरकारने कांद्याला हमीभाव जाहीर करावा. त्यात ओल्या कांद्याला २५ रुपये तर चाळीत साठवणूक केलेल्या कांद्याला ६० रुपये प्रतिकिलो असा हमीभाव जाहीर करावा. प्रभाकर शिंदे, कांदा उत्पादक शेतकरी, उदापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
