Jalgaon News : खानदेशात रब्बीसाठी कांदा रोपवाटिका निर्मितीला वेग आला आहे. यंदा लागवड मात्र स्थिर राहील, असा अंदाज आहे. तसेच निसर्गावर कांदा लागवड व पुढील उत्पादनाची गणितेही अवलंबून आहेत. .काही भागांत रोपवाटिका तयार झाल्या आहेत. तर काही भागांत रोपवाटिकांमध्ये बियाणे पेरणी सुरू आहे. कांदा रोपवाटिका निर्मितीसाठी कांदा बियाण्याची खरेदी शेतकरी अजूनही काही भागात करीत आहेत. लागवड डिसेंबरच्या मध्यात सुरू होईल, अशी स्थिती आहे. लाल कांद्याची अधिक लागवड होईल. यंदा सुमारे २५ हजार हेक्टरवर लागवड अपेक्षित आहे. कांद्याचे दर स्थिर आहेत..Onion Cultivation : अहिल्यानगरला वीस हजार हेक्टरवर खरीप कांदा लागवड.गेल्या वर्षी खरिपातील किंवा नोव्हेंबरमध्ये काढणी झालेल्या कांद्याला प्रति क्विंटल सरासरी १००० रुपये दर मिळाला होता. तर किमान दर ५०० रुपये प्रति क्विंटल, असा होता. नंतर एप्रिल, मे व आता जून महिन्यातही उन्हाळ कांद्याला दर कमीच होता. सध्या कांदा दर किमान ६०० व कमाल ८०० रुपये प्रति क्विंटल, असा आहे. सरासरी दर ७०० रुपये प्रति क्विंटल आहे. कांद्याचे एकरी १२० क्विंटलवर उत्पादन काही शेतकऱ्यांनी घेतले..Kharif Onion Cultivation: खरीप कांदा लागवड क्षेत्रात ५० टक्क्यांनी घट.रोपवाटिकानिर्मिती काही जण व्यावसायिक स्वरूपात करीत आहेत. तर काही बियाणे खरेदी करून पुढील लागवडीच्या नियोजनासंबंधी रोपवाटिका तयार करीत आहेत.धुळे जिल्ह्यात सुमारे १८ ते १९ हजार हेक्टरवर कांदा लागवड होईल. जळगावात तीन ते चार हजार हेक्टरवर लागवड अपेक्षित आहे. नंदुरबारमध्येही लागवड दोन ते तीन हजार हेक्टर एवढी राहू शकते, असा अंदाज आहे..चोपड्यात रोपवाटिका अधिकव्यावसायिक रोपवाटिका चोपड्यातील अडावद, धानोरा, माचले, लासूर, मराठे आदी गावांसह यावलमधील साकळी, किनगाव, शिरसाड, चुंचाळे, आडगाव, डांभुर्णी, धरणगावमधील पथराड, चोरगाव, भुलपाटे, टहाकळी, दोनगाव, एरंडोलमधील खर्ची, रवंजे, धुळ्यातील साक्री, शिंदखेडा, धुळे आदी भागांत केल्या जात आहेत. खानदेशात सुमारे १५० ते १८० हेक्टरवर या कांदा रोपवाटिका आहेत. अजूनही काही भागांत रोपवाटिका तयार केल्या जात आहेत. यंदा रोपवाटिकादेखील वाढलेल्या नसल्याची माहिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
