Jalgaon News: खानदेशात रोपवाटिकांची चांगली वाढ झाली आहे. कांदा लागवडीसंबंधी पुढे कार्यवाही सुरू होणार असून, दर्जेदार रोपांना मागणी आहे. अनेक शेतकऱ्यांनी मागील महिन्यात कांदा रोपवाटिका तयार केल्या आहेत. या रोपवाटिकांत बीजांकुरण झाले होते. अशातच स्थिती अनुकूल राहिल्याने रोपवाटिका बहरात आहेत. काही भागांत रोपवाटिकांत बुरशीजन्य समस्या, ढगाळ वातावरणाने रोपांची तूट तयार झाली असून, फवारणी घेऊन स्थिती सुधारली. .खानदेशात उन्हाळ कांदा लागवड दरवर्षी २८ ते ३० हजार हेक्टरवर केली जाते. सर्वाधिक १८ ते २० हजार हेक्टर एवढी लागवड धुळे जिल्ह्यात असते. या लागवडीसाठी कमाल शेतकऱ्यांनी आपापल्या शेतांत कांदा रोपवाटिका तयार केल्या होत्या. काही शेतकऱ्यांनी नोव्हेंबरच्या सुरुवातीलाच रोपवाटिकांत बियांची पेरणी केली होती. .Onion Nursery : खानदेशात कांदा रोपवाटिका निर्मितीला वेग.तर अनेक शेतकऱ्यांनी नोव्हेंबरच्या तिसऱ्या आठवड्यात रोपवाटिकांत बियांची पेरणी केली. या रोपवाटिकांत शेतकऱ्यांनी पाट पद्धतीने तसेच ठिबक, तुषार सिंचन प्रणालीच्या मदतीने सिंचन केले. रोपवाटिकांत चांगला वाफसा होता. काही दिवस नोव्हेंबरमध्ये ढगाळ वातावरण होते. यामुळे बुरशीजन्य व इतर समस्या तयार झाल्या..Onion Nursery Damage : खानदेशात कांदा रोपवाटिकांचे नुकसान.यासंबंधी शेतकऱ्यांनी बुरशीनाशकांची फवारणी घेतली. यातच काळ्या जमिनीतील कांदा रोपवाटिकांतील कोवळ्या अंकुरांची चांगली वाढ होण्यासाठी संप्रेरकांची फवारणीही घेण्यात आली. पण काही भागांत रोपवाटिकांत रोपांची किरकोळ तूट दिसू लागली आहे. तूट आता भरून काढणे शक्य नाही. यातच यंदाही कांद्याची लागवड स्थिर राहील. कारण अनेक शेतकऱ्यांनी यंदाही अन्य भाजीपाला पिकांच्या तुलनेत कांदा लागवडीचे नियोजन केले आहे..लागवड कमी करण्याचा पर्यायरोपांची मागणी कायम आहे. शेतकऱ्यांना इतरत्र रोप उपलब्ध होणार नाहीत, अशी स्थिती आहे. यामुळे रोपांच्या उपलब्धतेनुसार नियोजन करावे लागणार असून, लागवड कमी करावी लागू शकते, असे दिसत आहे. तसेच रोपांचे दरही पुढे वधारतील. यामुळे महागडी रोपे घेऊन लागवड पूर्ण करून घ्यावी लागेल, असे चित्र खानदेशात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
