Solapur News: वाढलेले मजुरांचे दर, खत आणि कीटकनाशकांच्या वाढलेल्या किमती अशा परिस्थितीत बाजारभावाची अनिश्चितता असतानाही करमाळा तालुक्यातील अनेक गावांमध्ये गावरान कांद्याची लागवड सुरू आहे. काही शेतकऱ्यांनी केळीचा खोडवा मोडून कांद्याची लागवड केली आहे. कांद्याला यंदा चांगला दर मिळण्याची आशा आहे. .करमाळा तालुक्याच्या पूर्व भागात गावरान कांदा व पूर्वहंगामी उसाची लागवड मोठ्या प्रमाणावर सुरू आहे. या दोन्ही पिकांच्या लागवडीसाठी येणारा मजूर व बियाणांचा खर्च आणि रासायनिक खतांचे वाढलेले दर यामुळे शेतकरी हवालदिल झाला आहे..Onion Cultivation: ‘कसमादे’त कांदा लागवडीच्या कामांना वेग.गावरान कांदा बेडवर व वाफ्यात लागवड करण्यासाठी एकरी पंधरा ते सोळा हजार असा मजुरीचा दर असून, हाच दर ऊस लागवडीसाठी एकरी आठ हजारांवर गेला आहे. यामुळे शेतकऱ्यांचे आर्थिक गणित पूर्णपणे कोलमडले आहे. ग्रामीण भागात मजुरांची टंचाई मोठ्या प्रमाणावर भासत असून, बाहेर गावावरून मजूर आणून शेतातील पिकांची लागवड करावी लागत आहे. यामुळे त्यांच्या वाहतूक खर्चाचा दुहेरी भुर्दंड सहन करावा लागत आहे..Onion Cultivation: देवणीत कांदा लागवडीकडे शेतकऱ्यांचा कल.शेतकऱ्यांसमोर शेती क्षेत्रात अनेक समस्या उभी असून, काही शेतकरी उसनवारी करून, दागिने गहाण ठेवून तर काही कर्ज घेऊन भविष्यात चांगला भाव मिळेल, या आशेवर लागवड करीत आहेत. करमाळा तालुक्याच्या पश्चिम भागातील काही शेतकऱ्यांनी खोडवा केळीचे पीक मोडून कांद्याची लागवड केली आहे..यावर्षी पावसाने चांगली साथ दिली असली तरी बियाणे, खते व औषधांच्या वाढलेल्या किमती आव्हान ठरत असून या सर्व अडचणीवर मात करून आणलेल्या पिकाला बाजार भाव मिळेल की नाही ही चिंता शेतकऱ्यांना सतावत आहे. तरीपण पर्याय नाही या वास्तवाला सामोरे जात शेतकरी कांद्याची लागवड करताना दिसत आहे..मी यावर्षी नऊ एकर क्षेत्रावर कांदा पेरणी व लागवड केली आहे. दरवर्षी मी सरासरी चार ते पाच हजार गोण्या कांद्याचे उत्पादन घेतो. कांद्याच्या बाजारभावात अनिश्चितता असली तरी यामध्ये सातत्य ठेवल्यास हमखास यश मिळते, असा माझा अनुभव आहे.- अमोल दुरंदे, कांदा उत्पादक शेतकरी, राजुरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
