Onion Price Issues: रब्बी लागवड केलेल्या कांद्याची आता काढणी सुरू झाली आहे. त्यामुळे बाजारात आपसूकच कांद्याची आवक वाढत आहे. मात्र दर पडलेलेच असल्याने कांदा उत्पादक चिंतेत आहेत. सध्या कांदा काढणीवर तीव्र उन्हाचा परिणाम होत असून मजूर मिळत नसल्याचीही अडचण आहे. .अहिल्यानगर जिल्ह्यात लेट खरीप, रब्बी आणि उन्हाळी मिळून अडीच लाख हेक्टरच्या आसपास कांद्याची लागवड झालेली आहे. आता कांदा काढणीला बऱ्याच भागांत सुरवात झाली आहे. साधारण १५ मे पर्यंत कांदा काढणी सुरू राहणार आहे. कांदा काढणी सुरू असल्याने बाजारातही आवक आपसूकच वाढत आहे. .Onion Harvesting Delay: खानदेशात कांदा काढणी रखडली.सध्या अहिल्यानगर येथील दादा पाटील शेळके कृषी उत्पन्न बाजार समितीत दर लिलावाला ५० हजार गोण्यापर्यंत आवक होत आहे. त्यात एक नंबरच्या कांद्याला ८०० ते १ हजार रुपये, दोन नंबरच्या कांद्याला ५०० ते ८०० रुपये, तीन नंबरच्या कांद्याला २५० ते ५०० रुपये व चार नंबरच्या कांद्याला १५० ते २५० रुपये आणि सरासरी सहाशे रुपये म्हणजे प्रति किलो ६ रुपये दर मिळत आहे..Onion Harvesting: लाल कांद्याच्या काढणीला वेग.कांदा उत्पादनासाठी हा मिळणारा दर अत्यंत कमी असल्यामुळे शेतकरी हदबल असतानाच हवामान विभागाच्या अवकाळी पावसाच्या अंदाजामुळे कांदा उत्पादक शेतकरी धास्तावले आहेत. अशा परिस्थितीत कसाबसा काढलेला कांदा शेतात झाकून ठेवण्याची लगबग सुरू आहे. कांद्याची काढणी सुरू असल्याने बाजारात आवक वाढले आहे मात्र दर पुरेसा नसल्याने शेतकऱ्यांचे हातबलता कायम आहे..अहिल्यानगर जिल्ह्यात बहुतांश शेतकऱ्यांकडे यंदा कांद्याचे पीक आहे. त्यामुळे एकावेळी कांदा काढणीस आल्याने मजुरांची टंचाई जाणवत आहे. अशा परिस्थितीमुळे येथील शेतकरी अहिल्यानगर येथून परप्रांतीय मजुरांना कुटुंबासहित येथे घेऊन येत आहेत. मजुरीच्या खर्चाचा तुलनेत जास्त काम होत असल्यामुळे शेतकऱ्यांना ते परवडते. काढणीच्या खर्च मात्र नेहमीच्या तुलनेत वाढला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
