Ahilyanagar News: मागील वर्षी कांद्याला मिळालेल्या चांगल्या दरामुळे चालू वर्षात मोठ्या प्रमाणात कांदा लागवड झाली. विविध नैसर्गिक संकटांतून मार्ग काढत कांदा चाळीत भरुन भाव वाढेल, या आशेने तब्बल आठ ते नऊ महिने जतन करूनही भाव न वाढल्याने शेतकऱ्यांच्या आशेवर पाणी फेरले आहे. अखेर कांदा संपला पण भान नाही वाढला, असे म्हणण्याची वेळ कांदा उत्पादकांवर आली आहे..यावर्षी अतिवृष्टीमुळे कापूस, सोयाबीन, मका पिके हातातून गेली. जी उरली, त्याला भाव मिळाला नाही. अशावेळी रब्बीत साठवलेल्या उन्हाळी कांद्याचे भाव वाढतील व झालेल्या नुकसानीची बरोबरी तरी होईल, या आशेने शेतकऱ्यांच्या नजरा कांदा दरवाढीवर होत्या. मात्र, वर्ष संपले व कांदाही संपला, तरी कांद्याची अपेक्षित दरवाढ झाली नाही..Onion Prices: केंद्राच्या धोरणांचा कांदा उत्पादकांना २०२५ वर्षात फटका, कर्जबाजारीपणा वाढला, कांदा उत्पादक संघटनेचा गंभीर आरोप.कांद्याला मे ते नोव्हेंबर २०२५ दरम्यान किमान २ रुपये ते कमाल १२ रुपये प्रतिकिलो दर मिळाला. डिसेंबर महिन्यात दर २० रुपयांवर गेले. मात्र, अगदी बोटांवर मोजण्याइतक्या शेतकऱ्यांकडे कांदा राहिला होता..Onion Price: कांदा निर्यात, कमी आवकेमुळे दरात सुधारणा; १० महिन्यांनंतर सरासरी भाव १५०० च्या पार.त्यामुळे २०२४ मध्ये मिळालेला २५ ते ४५ रुपये किलो दर २०२५ मध्ये मिळू शकला नाही. त्यामुळे शेतकऱ्यांचा झालेला खर्चही निघू शकला नाही..मागील वर्षी कांद्याला आजच्यापेक्षा तिपटीने भाव मिळाला. मात्र, यंदा भाव नसल्याने तोटा सहन करावा लागला. उत्पादन खर्च पाहता, कांद्याला किमान २५ रुपये भाव अपेक्षित आहे. शेतकऱ्यांवर सर्व बाजारपेठ अवलंबून असल्याने मोफत योजना राबवण्यापेक्षा शेतीमालाला भाव दिल्यास शेतकरी, मजूर, व्यापारी व सर्वच क्षेत्रांत आर्थिक समतोल राखला जाईल.- संतोष कवडे, कांदा उत्पादक, भेर्डापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
