Nashik News : कांदा उत्पादक शेतकऱ्यांना बाजार समित्यांमध्ये कवडीमोल बाजारभाव मिळत आहे. शेतकऱ्यांचा घाम आणि मेहनत वाया जात आहे. अशा गंभीर परिस्थितीत राज्यातील सत्ताधाऱ्यांनी दिल्लीत जाऊन कांदा प्रश्नावर ठोस निर्णय घ्यावा, अशी अपेक्षा असताना ते फक्त मौन बाळगून बसले आहेत. .त्याचवेळी विरोधक देखील शेतकऱ्यांच्या खऱ्या प्रश्नावर लढा देण्याऐवजी राजकीय पोळ्या भाजण्यात व्यस्त आहेत, अशी टीका महाराष्ट्र राज्य कांदा उत्पादक शेतकरी संघटनेचे अध्यक्ष भारत दिघोळे यांनी केली. सत्ताधारी शेतकऱ्यांना पायदळी तुडवत आहेत. तर विरोधक शेतकऱ्यांच्या जखमेवर मीठ चोळत आहेत..Onion Cultivation : कांदा लागवडीला वेग; क्षेत्र घटण्याची शक्यता.शेतकऱ्यांच्या प्रश्नांचा फक्त निवडणुकांमध्ये मतं मिळवण्यासाठी केला जात आहे. आगामी स्थानिक स्वराज्य संस्थांच्या निवडणुकांसाठी शेतकऱ्यांचा राग आणि नाराजी भांडवल म्हणून वापरण्याचा विरोधी पक्षांचा डाव आहे, हे आता शेतकऱ्यांना स्पष्ट दिसू लागले आहे. शेतकऱ्यांच्या घामाचे आणि श्रमाचे चीज राजकारणी करत आहेत..शेतकऱ्यांचा फक्त राजकीय प्याद्याप्रमाणे वापर करून त्यांच्या प्रश्नांची खरी सोडवणूक कोणीही करत नाही. यामुळेच राज्यातील शेतकऱ्यांचे आर्थिक वाटोळे होत आहे, असेही दिघोळे यांनी सांगितले आहे. .Onion Market : लासलगाव बाजार समितीत नवीन खरीप कांद्याची आवक.सलग दहा वर्षे केंद्रीय कृषिमंत्री राहिलेले शरद पवार यांना दिल्लीत जाऊन थेट पंतप्रधान नरेंद्र मोदी यांना भेटून कांद्याच्या घसरलेल्या भावावर तातडीने निर्णय घ्यायला लावणे शक्य आहे. परंतु त्यांनी तसे केलेले नाही. .उलट नाशिकमध्ये मोर्चे, रास्तारोको काढून शेतकऱ्यांना फक्त भावनिक करण्याचे राजकारण ते करत आहेत. हे दाखवते की सत्ताधारी असो वा विरोधक,कुठल्याही पक्षाला शेतकऱ्यांचे प्रश्न मुळातून सोडवायचे नाहीत, असे असते, या शब्दात त्यांनी समाचार घेतला. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
