Onion Crisis Maharashtra : कांदा उत्पादकांच्या प्रश्‍नांवर ठोस आर्थिक उपाययोजनांची अपेक्षा असताना राज्य सरकारने केवळ समिती नेमून त्यांची बोळवण केल्यामुळे उत्पादकांत संताप उफाळला आहे. समितीआड लपण्याचा पवित्रा सरकारने घेतल्याचा आरोप करत कांदा उत्पादकांच्या जखमेवर पुन्हा मीठ चोळले गेले, अशी भावना शेतकरी संघटनांनी व्यक्त केली..संघटनांच्या म्हणण्यानुसार, कांद्याचे बाजारभाव प्रति क्विंटल ७०० ते ९०० रुपयांपर्यंत कोसळल्याने उत्पादक शेतकरी आर्थिक संकटाच्या गर्तेत सापडला आहे. चालू अर्थसंकल्पीय अधिवेशनात कांद्याला किमान हमीभाव व तातडीचे अनुदान हे दोन मुद्दे पुढे आले. त्यावर काहीतरी ठोस घोषणा होईल, अशी अपेक्षा असताना राज्य सरकारने उत्पादकांना पुन्हा एकदा ‘त्रिसदस्यीय सचिवस्तरीय समिती’ची मात्रा दिली आहे..Rabi Onion Cultivation: रब्बीत कांद्याची विक्रमी लागवड.समित्या झाल्या उदंड; प्रश्न ‘जैसे थे’च!कांदा प्रश्नावरील तोडग्यासाठी कृषी विभागाचे अपर मुख्य सचिव, वित्त विभागाचे अपर मुख्य सचिव आणि पणन विभागाचे सचिव यांच्या समितीला तीन महिन्यांत अहवाल सादर करण्याचे निर्देश मुख्यमंत्री देवेंद्र फडणवीस यांनी दिले आहेत. मात्र कांदा प्रश्नावर तोडगा काढण्यासाठी सरकारने यापूर्वीही अनेक समित्या नेमल्याचा इतिहास आहे. त्यामुळे समित्यांच्या माध्यमातून सरकार केवळ वेळ मारून नेत असल्याचा आरोप शेतकऱ्यांनी केला आहे..Onion Procurement Controversy: कांदा खरेदीबाबत नाफेडवर मनमानी कारभाराचा आरोप.अहवाल थंड बस्त्यात‘नाफेड’ आणि ‘एनसीसीएफ’ मार्फत (राष्ट्रीय सहकारी ग्राहक महासंघ) होणाऱ्या खरेदीवर लक्ष ठेवण्यासाठी सहकार विभागाने नेमलेल्या दक्षता समितीच्या कामकाजातील गोंधळ समोर आला आहे. या समितीचे अहवाल गेल्या ९ महिन्यांत जाणीवपूर्वक दाबून ठेवण्यात आले. ‘प्रहार’चे नेते गणेश निंबाळकर यांनी मुख्यमंत्र्यांच्या कानावर ही बाब घातली, अशी माहिती बैठकीस उपस्थित सूत्रांनी दिली..सरकार तातडीची मदत देण्याऐवजी फक्त समित्यांवर समित्या जाहीर करत आहे. कांदा उत्पादकांसाठी लढा देणाऱ्या संघटनांना बैठकीपासून जाणीवपूर्वक दूर ठेवले जात आहे. अर्थसंकल्पात अनुदानाची तरतूद करणे गरजेचे होते, पण सरकार केवळ वेळकाढूपणा करत आहे.भारत दिघोळे, अध्यक्ष, महाराष्ट्र राज्य कांदा उत्पादक शेतकरी संघटना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
