Nashik News : कांदा दरात झालेल्या घसरणीमुळे शेतकऱ्यांमध्ये तीव्र नाराजी असून शुक्रवारी (ता. १२) कळवण येथील संतप्त शेतकऱ्यांनी बाजार समितीच्या आवारातून कांद्याचे ट्रॅक्टर थेट कोल्हापूर फाटा येथील प्रशासकीय कार्यालयात आणत शासनाचा निषेध व्यक्त केला..प्रशासकीय कार्यालय आवारातच कांद्याचा लिलाव करण्याची मागणी संतप्त शेतकऱ्यांनी लावून धरली. अखेर तब्बल पाच तास चाललेल्या आंदोलनानंतर प्रशासकीय कार्यालय आवारातच कांदा लिलाव करण्यात आला..Onion Price: कांदादरासाठी खणखणले फोन; मंत्री, लोकप्रतिनिधी जेरीस.शेतकऱ्यांनी दराच्या अपेक्षेने साठवलेल्या उन्हाळ कांद्याला दराचा मोठा फटका बसत आहे. बाजारात लिलावात प्रतिकिलो १० ते १२ रुपये सरासरी दर मिळत असताना केंद्र सरकार २४ रुपये दराने कांदा विक्रीसाठी आणल्याचा आरोप शेतकऱ्यांनी केला. त्यामुळे शेतकऱ्यांकडील कांदा जोपर्यंत संपत नाही, तोपर्यंत ‘नाफेड’, ‘एनसीसीएफ’ला बाजारात कांदा विक्रीची परवानगी देऊ नये, अशी मागणी शेतकऱ्यांनी यावेळी केली..कांदा उत्पादक शेतकरी संघटनेचे अध्यक्ष विलास रौंदळ, रमेश बच्छाव, काशिनाथ गुंजाळ, रामा पाटील, विनोद खैरनार, शशी हिरे यांनी मनोगत व्यक्त करत कांदा उत्पादकांच्या प्रशासनापुढे संताप व्यक्त केला..Onion Cultivation : अहिल्यानगरला वीस हजार हेक्टरवर खरीप कांदा लागवड.यावेळी कांदा उत्पादक शेतकरी संघटनेचे अध्यक्ष विलास रौंदळ, बाजार समितीचे संचालक शीतलकुमार अहिरे, शेतकरी संघटनेचे तालुकाध्यक्ष बाळासाहेब शेवाळे, काशिनाथ गुंजाळ, विनोद खैरनार, रामा पाटील, शशी हिरे, राकेश गुंजाळ, संजय पाटील, सतीश खैरनार, मुन्ना पगार, हेमंत खैरनार, नंदू पवार, तेजस जाधव, रोशन जाधव, ललित पगार, महेंद्र खैरनार, दीपक पवार, राहुल वाघ उपस्थित होते..तब्बल पाच तास आंदोलन; येथेच झाले कांद्याचे लिलावदरम्यान, प्रशासकीय कार्यालयाच्या आवारातच आलेल्या सर्व कांद्याचा लिलाव करा अन्यथा येथून एकही ट्रॅक्टर हलणार नाही, अशी भूमिका शेतकऱ्यांनी घेतली होती. त्यामुळे महसूल आणि बाजार समिती प्रशासनापुढे मोठा पेच निर्माण झाला. .त्यातच सहाय्यक जिल्हाधिकारी आणि तहसीलदार दोघेही बैठकीनिमित्त बाहेरगावी असल्याने कनिष्ठ अधिकाऱ्यांना निर्णय घेताना बराच वेळ लागला. तब्बल पाच तास हे आंदोलन सुरू होते. अखेर महसूल प्रशासन, बाजार समितीचे सचिव रवींद्र हिरे आणि व्यापारी यांच्यात चर्चा होऊन शेतकऱ्यांच्या मागणीनुसार तेथेच लिलाव प्रक्रिया सुरू करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
