Nashik News : केंद्राच्या माध्यमातून किंमत स्थिरीकरण योजनेअंतर्गत कांद्याची खरेदी शेतकरी उत्पादक कंपन्यांच्या माध्यमातून झाली. मात्र ही खरेदी यंदाही अनियमिततेमुळे चर्चेत आली. मात्र आता यापूर्वी व सध्या कांदा खरेदी केलेल्या शेतकरी उत्पादक कंपन्यांचे महासंघ व कंपन्यांच्या संचालकांनी शेतकऱ्यांसह विविध मागण्यांसाठी सोमवारी (ता. ८) नाशिक एनसीसीएफ शाखा कार्यालयावर ठिय्या देत संताप व्यक्त केला. .‘आमचे थकलेले पैसे द्या नाफेड एनसीसीएफ हाय हाय’, अशा घोषणा देत परिसर दणाणून सोडला होता. प्रामुख्याने कांदा खरेदीतील गेल्या तीन वर्षांतील विविध मागण्या या वेळी आंदोलनाच्या माध्यमातून मांडण्यात आल्या. ‘महाराष्ट्र कांदा खरेदी महासंघ’अंतर्गत शेतकरी उत्पादक कंपन्यांचे व शेतकरी एकत्र जमले होते. .Onion Market : श्रीरामपूर बाजार समितीत मोकळा कांदा लिलाव सुरू करा.मागण्या मान्य होईपर्यंत दिल्लीपर्यंत पोहोचण्यासाठी संघटित होणे गरजेचे असल्याची हाक देण्यात आली. या वेळी ‘नाफेड’ व ‘एनसीसीएफ’च्या मनमानी कारभाराचा निषेध करण्यात आला. .Onion Market: आंध्र सरकारकडून कांद्याची १,२०० रुपयांना खरेदीची तयारी.तीन वर्षांपासून विविध देयके थकित असल्यामुळे या वेळी संताप पाहायला मिळाला. जोपर्यंत दिल्ली कार्यालयाकडे मागण्या मांडल्या जात नाहीत, तोपर्यंत इथून हटणार नाही, अशी ठाम भूमिका सोमवारी सायंकाळी उशिरापर्यंत शेतकरी उत्पादक कंपन्यांच्या संचालकांनी घेतली होती..या आहेत मागण्या२०२३-२४ ते २०२५-२६ खरेदीतील सर्व १०० टक्के शेतकरी देयके तत्काळ द्यावीत.खरीप २०२३-२४ मधील कांदा खरेदीचे थकित पैसे द्यावेत.२०२२-२३ व २०२४-२५चे कॉम्पोझिट चार्जेस थकित रक्कम द्यावी, ते १०० टक्के द्यावेत.टीडीएस उशिरा मिळाल्याने शेतकऱ्यांवर झालेल्या दंड-व्याजाची भरपाई द्यावी.५,००० टन गोदाम करार करून कमी खरेदी केली, त्यामुळे पूर्ण भाडे द्यावे.७२ तासांत देयक देण्याचे आश्वासन दिले, आता ७२ दिवस उलटूनही न दिलेले पैसे तत्काळ द्यावेत.साठवणूक केलेल्या कांद्याचा तत्काळ डिस्पॅच सुरू करा .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
