Jalgaon News: खानदेशात धुळे जिल्हा कांद्याचे आगर म्हणून प्रसिद्ध आहे. यंदा पाऊस बऱ्यापैकी राहिल्याने धुळ्यासह जळगाव व नंदुरबारमध्ये कांदालागवड होईल. काही भागांत लागवड पूर्ण झाली आहे. सध्या कांदा रोपवाटिकांमध्ये रोपांची विक्री सुरू आहे. या विक्रीस शेतकऱ्यांचा बरा प्रतिसाद मिळत आहे. .कांदालागवड खानदेशात ३२ ते ३३ हजार हेक्टरवर होईल. यंदा जुलै आणि ऑगस्टमध्ये कमी पाऊस होता. पण नंतर जोरदार पाऊस आला. पण कमी किंवा असमान पावसाचा फटका खरिपातील कांद्यास बसला. ऑगस्टमध्ये अनेक दिवस पावसाअभावी हजारावर एकर शेतजमिनी कांदालागवडीअभावी पडून होत्या. धुळे, नंदुरबार व जळगावात नंतर पाऊस आला. पण रब्बीतील कांदा लागवडीवर परिणाम होणार नाही, असे दिसत आहे..Onion Farming: कांदा पातीवरील करपा रोगांचे व्यवस्थापन.धुळ्यात रब्बीतील कांद्याचे क्षेत्र फारसे घटलेले नाही. जळगाव जिल्ह्यातही कांदा लागवड स्थिर दिसत आहे. ज्यांनी कांद्याची रोपे वाढविली, ती रोपे विक्रीसाठी तयार आहेत. काही जण लागवड कमी करीत असल्याने रोपे मुबलक आहेत. धुळ्यात कांद्याचे धुळे आणि साक्री या तालुक्यांत, जळगावात यावल, चाळीसगाव, चोपडा भागांत मोठे उत्पादन घेतले जाते..धुळ्यातील न्याहळोद, कापडणे, देवभाने, सरवड, नंदाणे, बुरझड, बोरीस, निकुंभे, लामकानी, दुसाणे, निजापूर, जैताणे हा कांदापट्टा म्हणून ओळखला जातो. या भागासह खानदेशात विहिरी व कूपनलिकांची पाणीपातळी चांगली आहे. कांदा व भाजीपाला पिकांच्या लागवडीस आता सुरुवात झाली आहे..National Onion Bhavan: राष्ट्रीय कांदा भवन उभारणीसाठी शेतकऱ्यांकडून पाठिंबा.रोपवाटिका कमीखानदेशात खरिपाच्या तुलनेत रब्बीत कांद्याची लागवड अधिक प्रमाणात होते. शेतकरी ऑक्टोबर-नोव्हेंबरमध्ये कांद्याचे बियाणे रोपवाटिकांत टाकतात. यंदा रोपवाटिका मात्र कमी आहेत. रोपवाटिकेत एक दीड महिन्यात रोप पुनर्लागवडीसाठी तयार होते. शेतकऱ्यांनी रोपे तयार केली आहेत. त्यांची विक्री काही भागांत चांगली तर काही भागांत रखडत सुरू आहे..इतर भाजीपाला पिकांनाही पसंतीखानदेशात वांगी, कोबी, गिलके, मुळा, कारली, टोमॅटो, मिरची आदी भाजीपाल्याचे उत्पादनही अधिक घेतले जाते. पाण्याची उपलब्धता चांगली आहे. भाजीपाला क्षेत्रही स्थिर आहे. पुढे खानदेशात भाजीपाला उत्पादन फारसे कमी होईल, असे दिसत नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
