Jalgaon News : खानदेशात कांदा लागवडीस वेग आला असून, पाऊस व इतर समस्यांमुळे यंदा लागवड रखडली आहे. काही शेतकऱ्यांच्या कांदा लागवडीनंतर लागलीच पाऊस आल्याने नुकसानही झाले आहे. धरणगाव तालुक्यातील पथराड येथे काही शेतकऱ्यांच्या कांदा लागवडीनंतर शुक्रवारी (ता.१५) व शनिवारी (ता.१६) पाऊस आला. .अतिजोरदार पावसात लागवड केलेले कांदा पीक वाहून गेले. जमीनही खरडून गेली आहे. कांदा लागवड जळगावमधील जळगाव, यावल, चोपडा, चाळीसगाव, धरणगाव, एरंडोल, जामनेर यासह धुळ्यातील शिंदखेडा, शिरपूर, नंदुरबारातील नंदुरबार, शहादा भागात सुरू आहे. कमी पाऊस व अस्थिर दर यामुळे यंदा लागवड कमी होईल, असे सुरवातीपासूनच सांगितले जात होते. .Onion Cultivation : लेट खरीप कांदा लागवडीची खानदेशात तयारी.मागील हंगामात उन्हाळ कांद्याची खानदेशात सुमारे १८ हजार हेक्टरवर लागवड झाली होती. मागील हंगामात उशिराची किंवा लेट खरीप लागवड अधिक होती. यंदाही लेट खरीप लागवड अधिक राहील. मात्र ऑगस्टमध्येही लागवड करून घेण्याकडे अनेकांचा कल असतो. या महिन्यातील लागवड सुमारे सात ते आठ हजार हेक्टरवर अपेक्षित आहे. .Onion Cultivation : कांदा लागवडीला वेग, मजूरटंचाईचा फटका.धुळ्यातील साक्री, धुळे, शिंदखेडा, जळगावातील चोपडा, यावल, जळगाव, धरणगाव या भागात लागवड कमी होईल, असा अंदाज होता. कारण या भागात पाऊसमान कमी होते. पण पाऊस बरा दिसत असल्याने लागवड स्थिर राहील, शेतकरी रोपांची जुळवाजुळव करतील, असे चित्र आहे..कांदा रोपांचे दरही सध्या स्थिर आहेत. कारण अतिपावसात अनेक जण लागवडीसंबंधी सावध भूमिका घेत आहेत. रोपवाटिका चोपडा, साक्री, यावल, धुळे आदी भागात जोमात आहेत..पोळा सणापूर्वी लागवड करून घेण्याकडे ओढासध्या सर्वत्र लागवडीला वेग आला आहे. परंतु अनेक भागात मजूरटंचाई असून, लागवडीसंबंधी कार्यवाही रखडत सुरू आहे. अनेक शेतकरी पोळा सणापूर्वी लागवड करून घेतात. त्यासंबंधी सध्या कार्यवाही सुरू आहे. कारण येत्या शुक्रवारी (ता.२२) पोळा सण आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
