Jalgaon News : खानदेशात धुळे जिल्हा कांद्याचे आगर म्हणून प्रसिद्ध आहे. पण यंदा पाऊस कमी राहिल्याने धुळ्यासह जळगाव व नंदुरबारमध्ये नियमित किंवा जुलै अखेरीस व या महिन्यातील कांदा लागवड कमी झाली. यामुळे कांदा रोपवाटिकांत रोपे मुबलक आहेत. पण पावसाचे पुनरागमन झाल्याने रोपांची मागणी पुढे वाढेल. उशिराची किंवा लेट खरीप कांदा लागवड पुढील आठवड्यात सुरू होईल, असे दिसत आहे. .यंदा जुलै आणि ऑगस्टमध्ये कांदा लागवड कमी झाली आहे. पावसाअभावी सुमारे दोन ते तीन हजार हेक्टर शेतजमीन कांदालागवडीअभावी पडून आहे. धुळे, नंदुरबार व जळगावात हवा तसा पाऊस पडलेला नाही. कमी पावसाचा परिणाम कांदा लागवडीवर होताना दिसत आहे. .Onion Farming : दौंडमधील शेतकऱ्यांकडून कांद्याला मोठी पसंती.धुळ्यात रब्बीतील कांद्याचे क्षेत्र सुमारे १५ टक्क्यांनी घटले आहे. जळगाव जिल्ह्यातही कांदा लागवड कमी होत आहे. ज्यांनी कांद्याचे रोप वाढविले, ते रोप विक्रीसाठी तयार आहे. परंतु अनेक जण लागवड कमी करीत असल्याने रोपे विक्रीस कमी प्रतिसाद आहे. रोपे मुबलक व लागवड करणारे कमी, अशी स्थिती आहे..कांदा आगरात प्रतिसाद कमीधुळ्यात कांद्याचे धुळे आणि साक्री तालुक्यात, जळगावात यावल, चाळीसगाव, चोपडा भागांत मोठे उत्पादन घेतले जाते. धुळ्यातील न्याहळोद, कापडणे, देवभाने, सरवड, नंदाणे, बुरझड, बोरीस, निकुंभे, लामकानी, दुसाणे, निजापूर, जैताणे हा कांदापट्टा म्हणून ओळखला जातो. या भागासह खानदेशात विहिरी व कूपनलिकांची पाणीपातळी अजूनही स्थिरावलेली नाही. याचा परिणाम कांदा व भाजीपाला पिकांच्या लागवडीवर झाला आहे..Onion Farming Training : राजस्थानच्या शेतकऱ्यांना कांदा उत्पादनाचे धडे.रोपवाटिका जोमातपाऊस कमी राहिल्यास कांदा रोपवाटिकांत रोपे चांगली वाढतात. तर अतिपावसात रोपांची हानी होते. यंदा पाऊस कमी किंवा रोपवाटिकांसाठी अनुकूल होता. यामुळे कांदा रोपवाटिका जोमात आहेत. पावसाळा चांगला होईल, असा अंदाज होता. यामुळे यंदा रोपवाटिकादेखील बऱ्यापैकी आहेत. रोपवाटिकेत एक दीड महिन्यात रोप पुनर्लागवडीसाठी तयार होते..इतर भाजीपाला पिकांनाही फटकाखानदेशात वांगी, कोबी, गिलके, मुळा, कारली, टोमॅटो, मिरची आदी भाजीपाल्याचे उत्पादनही अधिक घेतले जाते. पण ऑगस्टमध्ये पाण्याची उपलब्धता घटली. भाजीपाला क्षेत्रही कमी दिसत आहे. यामुळे पुढे खानदेशात भाजीपाला उत्पादन कमी होईल, असेही संकेत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
