Jalgaon News: खानदेशात कांदा लागवड सुरूच आहे. लागवड आणखी आठवडाभर सुरू राहील. रोपांना मागणी असून, खानदेशात सुमारे १८ हजार हेक्टरवर कांदा लागवड पूर्ण झाल्याचा अंदाज आहे. .यंदा कांदा लागवड खानदेशात ३५ ते ३६ हजार हेक्टरवर होईल, अशी स्थिती आहे. यंदा कांदा लागवड वाढेल किंवा स्थिर राहील, असा अंदाज सुरुवातीलाच होता. कारण पाऊसमान चांगले राहिल्याने सर्वच भागांत जलसाठे मार्च-एप्रिलपर्यंत मुबलक राहतील. यामुळे ऑक्टोबर व नोव्हेंबरमध्ये रोपवाटिका निर्मितीला वेग आला. लागवड मागील महिन्यात सुरू झाली. मागील वर्षी लागवड सुमारे ३८ हजार हेक्टरवर झाली होती. यंदा लागवड स्थिर राहील किंवा काहीशी कमी होईल, असे दिसत आहे..Onion Cultivation: अनिश्चित दर तरी कांदा जोमात.यंदा चांगला पाऊस झाला. त्यात कांदा रोपवाटिका निर्मितीसाठी बियाण्याची खरेदी शेतकरी ऑक्टोबरमध्ये करीत होते. बियाणे महाग होते. यामुळे काही शेतकऱ्यांकडून उत्पादित कांदा बियाण्यांची खरेदीदेखील करण्यात आली. लागवड डिसेंबरमध्ये सुरू झाली. लाल कांद्याची अधिक लागवड आहे. यंदा जळगावात सुमारे ११ हजार ते १२ हजार हेक्टरवर लागवड अपेक्षित आहे..Onion Cultivation: कांदा रोपलागवड स्थिर राहणार.खरिपातील काढणी झालेल्या कांद्याला आता उठाव आहे. अजूनही लेट कांद्याची आवक बाजारात होत आहे. सरासरी १८०० रुपये प्रति क्विंटल दर मिळत आहे. कांद्याचे एकरी १०० क्विंटलवर उत्पादन काही शेतकऱ्यांनी मागील हंगामात किंवा लेट खरिपात घेतले आहे. रोपवाटिकानिर्मिती काही जण व्यावसायिक स्वरूपात करतात. .तर काही शेतकऱ्यांनी बियाणे खरेदी करून आपल्या लागवडीच्या नियोजनासंबंधी कांदा रोपवाटिका तयार केल्या. व्यावसायिक रोपवाटिका चोपड्यातील अडावद, धानोरा, माचले, लासूर, मराठे आदी गावांसह यावलमधील साकळी, किनगाव, शिरसाड, चुंचाळे, आडगाव, डांभुर्णी, धरणगावमधील पथराड, चोरगाव, भुलपाटे, टहाकळी, दोनगाव, एरंडोलमधील खर्ची, रवंजे, धुळ्यातील साक्री, शिंदखेडा, धुळे आदी भागात होत्या. सुमारे १५० ते १८० हेक्टरवर या रोपवाटिका रब्बी किंवा उन्हाळ हंगामासाठी तयार केल्या. लागवडीस चांगली गती होती. ही गती २५ ते २९ डिसेंबर २०२४ दरम्यान झालेल्या पावसाने कमी झाली. या आठवड्यातही कांदा लागवडीस गती येणार आहे. लागवड काही शेतकऱ्यांची नोव्हेंबरमधील पावसामुळे लांबली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
