Onion Procurement Investigation: केंद्र सरकारच्या ग्राहक व्यवहार विभागाच्या माध्यमातून किंमत स्थिरीकरण निधी योजनेअंतर्गत करण्यात आलेल्या कांदा खरेदीत ‘यूआरएस’ ग्रेडच्या नावाखाली व्यापाऱ्यांकडून निकृष्ट कांदा खरेदी करून तो साठविल्याचे आरोप ताजे आहेत. या आरोपांची अद्याप ठोस चौकशी झालेली नसतानाच आता याच कांद्याचा बफर स्टॉक बाजारात आणण्याची तयारी सुरू झाली आहे. त्यामुळे ‘कथित कांदा खरेदी गैरव्यवहाराची चौकशी न करताच हा साठा बाजारात आणून प्रकरण दडपण्याचा डाव जात आहे का?’ असा आरोप कांदा उत्पादकांकडून केला जात आहे. .मे-२०२६ मध्ये नाफेड-एनसीसीएफमार्फत सुरू असलेली कांदा खरेदीचे उद्दिष्ट पूर्ण होण्यापूर्वीच जवळपास थांबली असल्याची स्थिती आहे. अशातच हा निकृष्ट कांदा गोदामांमधून बाहेर काढून देशभरातील बाजारपेठेत पाठविण्याची घाई सुरू झाली आहे. एकीकडे गेल्या दीड वर्षांपासून उत्पादन खर्चही निघत नसलेल्या कांद्याच्या दरात अलीकडे काहीशी सुधारणा झाली आहे. अशा परिस्थितीत सरकारी बफर स्टॉक बाजारात आणल्यास कांद्याच्या दरावर पुन्हा दबाव येण्याची शक्यता आहे..केंद्राने सुरुवातीला प्रति क्विंटल १२३५ रुपयांपासून कांदा खरेदी सुरू केली. त्यानंतर अखेरीस २६६५ रुपयांपर्यंत दर देण्यात आला. मात्र, गुणवत्ता आणि प्रतवारीचे निकष वारंवार बदलल्याने खरेदी प्रक्रियेवर सुरुवातीपासूनच संशय व्यक्त केला जात होता. विशेषतः ‘यूआरएस’ श्रेणीच्या माध्यमातून गुणवत्ता निकष शिथिल करण्यात आल्याचा आरोप आहे..Onion Procurement: शासकीय कांदा खरेदीवरील संशयाचे धुके गडद.२ जूनपासून या श्रेणीखाली खरेदी सुरू झाल्यानंतर सुरुवातीला खरेदीचे निकष पाळले जात असल्याचे दाखविण्यात आले. मात्र, जुलैमध्ये मध्य प्रदेशातून कांदा आणून तो महाराष्ट्रातील सरकारी खरेदीत घुसविल्याचे आरोप पुढे आले. त्यानंतर २९ जुलैनंतर ही खरेदी बंद करण्यात आली. मात्र, आता याच साठ्यातील कांदा गोदामांमधून बाहेर काढून बाजारात विक्रीची तयारी सुरू असल्याने, चौकशी होण्यापूर्वीच पुरावे आणि साठ्याचा हिशेब गुंडाळण्याचा प्रयत्न तर केला जात नाही ना, असा सवाल उपस्थित होत आहे..नाफेड आणि ‘एनसीसीएफ’मार्फत मिळून सुमारे १ लाख २० हजार टन कांदा खरेदी झाल्याची माहिती आहे. मात्र, यापैकी प्रत्यक्ष शेतकऱ्यांकडून किती कांदा खरेदी झाला, केंद्रनिहाय किती कांदा खरेदी करण्यात आला, कोणत्या गोदामात किती साठवणूक करण्यात आली, त्यापैकी किती कांदा खराब झाला आणि प्रत्यक्षात किती कांदा बाजारात आणला जाणार, याचा हिशेब अद्याप समोर आलेला नाही. काही गोदामांत केवळ २० ते ३० टक्के ‘रिकव्हरी’ मिळत असल्याने साठ्याच्या नोंदींच्या विश्वासार्हतेवरच प्रश्नचिन्ह निर्माण झाले आहे..दिल्लीला ८४० टनांचा डिस्पॅच‘एनसीसीएफ’मार्फत खरेदी केलेल्या कांद्यापैकी सुरुवातीला ८४० टन कांदा रॅकद्वारे पाठविण्याची तयारी सुरू आहे. त्यानंतर नाफेडमार्फत खरेदी केलेला कांदा पाठविण्यात येणार आहे. हा सर्व निर्णय कांदा खरेदी व साठवणुकीची जबाबदारी असलेले केंद्रीय वखार महामंडळ घेणार आहे. मात्र, सर्व केंद्रांवरील साठा न उचलता निवडक केंद्रांमधूनच कांदा उचलण्याचे नियोजन असल्याने या प्रक्रियेवरही प्रश्नचिन्ह निर्माण झाले आहे..Onion Procurement Irregularities: सडके कांदे दूर करा.चौकशीची मागणीरॅकनिहाय कांदा उचल, वाहतूक आणि अंतिम बाजारपेठेचा तपशील सार्वजनिक करावा.‘यूआरएस’ श्रेणीतील कांद्याची स्वतंत्र चौकशी करून निकृष्ट कांदा खरेदीतील जबाबदारी निश्चित करावी.मध्य प्रदेशातून महाराष्ट्रातील सरकारी खरेदीत कांदा आणल्याच्या आरोपांची केंद्रीय यंत्रणेमार्फत चौकशी करावी..जिल्हानिहाय आकडेवारीविभाग शेतकरी रक्कमअमरावती १ लाख ४५ हजार ८०८ १२०८ कोटी ३४ लाख, ३० हजारछत्रपती संभाजीनगर ३ लाख २ हजार २७३ २२८४ कोटी ४४ लाख ६ हजारकोकण ९ हजार, ५४ ५४ कोटी, १५ लाख, २७ हजारनागपूर ४४ हजार ८६४ ३६५ कोटी ९५ लाख ६९ हजारनाशिक ८४ हजार ८१३ ७५६ कोटी ४ लाख, १८ हजारपुणे ४९ हजार २२४ ४१७ कोटी ३७ लाख, १० हजारएकूण : शेतकरी ६ लाख ३६ हजार ३६कर्जमाफी रक्कम : ५०८६ कोटी, ३० लाख ६२ हजार, ३००.बाजारात कांद्याचे दर प्रचंड वाढलेले नसताना सरकारने घाईघाईने निर्णय घेण्याची गरज नव्हती. बफर स्टॉक बाजारात आणल्याने शेतकऱ्यांचे दर दबावात येतील, मूठभर व्यापारी आणि भ्रष्ट अधिकाऱ्यांचे खिसे भरले जातील. ग्राहक आणि शेतकरी दोघांनाही वाऱ्यावर सोडणारा हा कारभार अन्यायकारक आहे. जयदत्त होळकर, संचालक, मुंबई कृषी उत्पन्न बाजार समिती.शेतकऱ्यांच्या कांद्याचे दर पाडून भ्रष्टाचाऱ्यांना रान मोकळे करणारी भूमिका सरकारने घेऊ नये. हा कांदा पाठवू नका. दर पाडण्याचे कारस्थान थांबवा. अन्यथा आक्रमक भूमिका घेण्यात येईल.अनिल पवार, प्रदेश कार्याध्यक्ष, स्वाभिमानी शेतकरी संघटना.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
