Nashik News: जून ते सप्टेंबर दरम्यान जिल्ह्यात झालेल्या अतिवृष्टी व पुरस्थितीमुळे बाधित तालुक्यातील शेतकऱ्यांचे मोठ्या प्रमाणात पीक, शेतीसंबंधित साधने, मालमत्ता व उपजीविकेचे नुकसान झालेले आहे..या परिस्थितीचा विचार करून शासनाने बाधित शेतकऱ्यांच्या सहकारी पीककर्जाचे पुनर्गठन व शेतीशी निगडीत कर्जाच्या वसुलीस एक वर्षासाठी स्थगिती दिली आहेत. त्याची प्रभावी अंमलबजावणी करण्याच्या सूचना जिल्हाधिकारी आयुष प्रसाद यांनी दिल्या आहेत..Crop Loan Recovery : ‘पीककर्ज वसुली बंद करा’.शासनाने जिल्ह्यातील तीन तालुके अंशतः तसेच उर्वरित बारा तालुके पूर्णतः बाधित घोषित केले आहेत. या तालुक्यांत विविध प्रकारच्या सवलती लागू करण्यात आल्या आहेत. जिल्ह्यातील कळवण, देवळा व इगतपुरी हे तालुके अंशतः बाधित, तर उर्वरित १२ तालुके पूर्णतः बाधित म्हणून घोषित केले आहेत..Crop Loan Recovery : सक्तीची पीककर्ज वसुली शेतकऱ्यांसाठी अन्यायकारक.त्यामुळे वसुलीस स्थगिती देण्याबाबत आदेश जिल्हाधिकारी प्रसाद यांनी काढले आहेत. संबंधित सर्व बँका,एसएलबीसी तसेच जिल्हा मध्यवर्ती सहकारी बँकांनी याबाबत कार्यवाही त्वरित पूर्ण करावी,असेही आदेश त्यांनी दिले आहेत..करण्यात आलेल्या महत्वाच्या सूचनाबाधित तालुक्यांतील सर्व शेतकऱ्यांच्या अल्पमुदत कर्जाचे नियमानुसार मध्यम मुदतीत रूपांतर करण्याची प्रक्रिया त्वरित सुरू करावी.सर्व प्रकारच्या शेती कर्जाच्या वसुलीची कार्यवाही दिलेल्या आदेशांनुसार स्थगित करावी.वसुली, नोटिसा, जप्ती, वसुली पथके, नावे जाहीर करणे यावर कडक कारवाई करू नये.बँक शाखा स्तरावर माहिती फलकावर शासनाने दिलेल्या स्थगितीबाबत स्पष्ट सूचना प्रदर्शित कराव्यात.शेतकऱ्यांनी या कालावधीत कर्जाबाबत अडचण नोंदविल्यास त्यावर तोडगा काढावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
