Amaravati News : पर्यावरण संरक्षण मोहिमेला प्रोत्साहन देण्याच्या उद्देशाने राज्य शासनाने शतकोटी वृक्ष लागवडीची घोषणा केली आहे. शासनाच्या या महत्त्वाकांक्षी उपक्रमात योगदान देत पिंपळखुटा येथील श्री संत शंकर महाराज कृषी महाविद्यालयात वृक्ष लागवड करण्यात आली. .सामाजिक दायित्व जाणत वृक्ष लागवड करावी, असे आवाहन कृषी महाविद्यालयाचे प्राचार्य डॉ. सी. यू. पाटील यांनी केले. वृक्ष लागवड पंधरवाड्याच्या निमित्ताने आयोजित कार्यक्रमाला कृषी महाविद्यालयाचे प्राचार्य डॉ. सी. यू. पाटील, प्रा. बोंद्रे, प्रा. पवन शिवणकर यांची उपस्थिती होती..Tree Plantation: वृक्ष लागवडीने होणार जमिनीची हद्द निश्चिती.रस्ते, घर तसेच इतर विविध संशोधने व विकासात्मक कार्यासाठी म्हणून मोठ्या प्रमाणावर वृक्षतोड होत आहे. याचा विपरीत परिणाम ऋतुचक्रावर झाला असून आता वर्षातील सर्वच महिन्यात पाऊस बरसतो. इतकेच नाही तर तापमानातही वाढ नोंदविली गेली आहे. .यामुळे शेती क्षेत्र सर्वाधिक प्रभावित झाले असून वातावरणातील बदलानुरूप पिकाच्या व्यवस्थापनात बदलाचे आव्हान शेतकऱ्यांसमोर आहे. ही बाब लक्षात घेता सर्वांनीच सामाजिक दायित्व जाणत वृक्ष लागवड करावी, असे आवाहन प्राचार्य डॉ. पाटील यांनी केले..Tree Plantation : वाशीम जिल्ह्यामध्ये २.७९ लाख वृक्ष लागवडीचे उद्दिष्ट.प्रा. बोंद्रे यांनी, केवळ वृक्षलागवड करून भागणार नाही तर लावलेल्या रोपांचे संवर्धन होण्यासाठी प्रत्येकावर जबाबदारी निश्चित केली पाहिजे. अशा प्रकारच्या सामाजिक उपक्रमातून मनाला आनंद होतो व ते प्रसन्न राहते. त्यामुळे अशा प्रकारच्या उपक्रमांमध्ये प्रत्येकाने हिरिरीने सहभागी होण्याचा सल्ला दिला..‘एक वृक्ष, एक विद्यार्थी’ संकल्पनेवर कामडॉ. पंजाबराव देशमुख कृषी विद्यापीठाचे विद्यार्थी कल्याण अधिकारी डॉ. संदीप हाडोळे, महाविद्यालयाचे अध्यक्ष नंदूशेठ चव्हाण यांच्या मार्गदर्शनात हा उपक्रम राबविण्यात येत आहे. या अंतर्गत महाविद्यालयात प्रवेशित विद्यार्थ्यांकरिता एक वृक्ष, एक विद्यार्थी संकल्पनेवर काम होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
