Chandrapur News: सोलापुरातील रामकृष्ण संचू याला किडनी विक्री प्रकरणात अटक केल्यानंतर त्याने रॅकेटमध्ये सहभागी पंजाबमधील आणखी एका व्यक्तीच्या नावाचा खुलासा केला. त्यानंतर पोलिसांच्या पथकाने पंजाबमधून संबंधित व्यक्तीला अटक केली. बुधवारी (ता. २४) उशिरा पोलिसांचे पथक आरोपीला घेऊन चंद्रपुरात परतले..कर्ज रकमेमुळे अडचणीत आलेल्या व्यक्तींना हेरत त्यांना किडनी विक्रीसाठी प्रवृत्त करणारे देशव्यापी नेटवर्क उभे राहिले आहे. त्याकरिता कम्युनिटी किडनी डोनर असे पेज तयार करण्यात आले आहे..Chandrapur Kidney Sale Case: सोलापुरातील रामकृष्णने विकल्या दहा किडन्या.या नेटवर्कच्या माध्यमातून गरजूंना हेरत त्यांना इतर देशात पाठविले जाते. त्या ठिकाणी त्यांची किडनी काढण्याची शस्त्रक्रिया होते. या कामात भाषेची अडचण येण्याची शक्यता लक्षात घेता त्या-त्या राज्यात कमिशन तत्त्वावर एजंटची नियुक्ती करण्यात आली आहे. महाराष्ट्रात सोलापूर येथील रामकृष्ण संचू याच्यावर ही जबाबदारी सोपविण्यात आली होती..Farmer Kidney Case: किडनी प्रकरणात समाजाची निष्क्रियता चव्हाट्यावर .विशेष म्हणजे रामकृष्ण याने देखील यापूर्वी आपली किडनी या टोळीला विकली आहे. त्यानंतर त्याने या टोळीसाठी काम करणे सुरू केले. आजवर दहा जणांच्या किडन्या विकण्यास त्याने मदत केली असून प्रत्येक किडनीवर त्याला एक लाख रुपये कमिशन म्हणून दिले जात होते, अशी माहिती पोलिस अधीक्षक मुमका सुदर्शन यांनी दिली..दरम्यान रामकृष्ण याने पोलिस कोठडीत असताना या गॅंगमध्ये सहभागी असलेल्या पंजाबमधील एका व्यक्तीची माहिती दिली. या माहितीची सहानिशा केल्यानंतर पोलिसांनी थेट विमानाने पंजाब गाठले. त्यानंतर संबंधित व्यक्तीला अटक करून बुधवारी (ता. २४) सायंकाळी पोलिसांचे पथक चंद्रपूरला परतले. या आरोपीला उशिरा न्यायालयासमोर हजर करून त्याची पोलिस कोठडी घेतली जाणार असल्याचे पोलिस सूत्रांनी सांगितले. मात्र त्याचे नाव कळू शकले नाही..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
