Chandrapur News: राज्यभरात खळबळ उडवून देणाऱ्या किडनी विक्री प्रकरणात चंद्रपूर पोलिसांना मोठे यश मिळाले असून, या देशांतर्गत रॅकेटमधील महत्त्वाचा दुवा असलेल्या आरोपीला दिल्लीत अटक करण्यात आली आहे. रवींद्र पाल सिंग असे या आरोपीचे नाव असून, त्याला चंद्रपूरला आणण्यासाठी पोलिसांकडून प्रयत्न सुरू आहेत. मात्र उशिरापर्यंत या संदर्भातील कायदेशीर प्रक्रिया पूर्ण झालेली नव्हती, अशी माहिती पोलिस सूत्रांनी दिली..चंद्रपूर जिल्ह्यातील मिन्थुर येथील रोशन कुडे या तरुणाला सावकारांच्या छळामुळे आपली किडनी विकण्यास भाग पाडण्यात आल्याचा धक्कादायक प्रकार उघडकीस आल्यानंतर या प्रकरणाने राज्यभरात संतापाची लाट उसळली होती..Kidney Sale Case: पंजाबचा हिमांशू किडनी विक्री प्रकरणात होता कार्यवाहक.अवघ्या एक लाख रुपयांच्या कर्जासाठी रोशनकडून तब्बल ७४ लाख रुपयांची वसुली करण्यात आली. इतकी मोठी रक्कम परत करूनही त्याच्यावर कर्ज शिल्लक असल्याचे दाखवून त्याचा सातत्याने मानसिक आणि आर्थिक छळ करण्यात आला होता..या प्रकरणात आतापर्यंत सहा सावकार, पंजाबमधून हिमांशू भारद्वाज, सोलापूर येथून रामकृष्ण संचू यांना अटक करण्यात आली. त्यानंतर दिल्लीतून रवींद्र पाल सिंग याला ताब्यात घेतले आहे..Kidney Trafficking Case: किडनी प्रकरणात पंजाबमधून एकाला अटक.या प्रकरणात मानवी अवयवांची बेकायदेशीर विक्री तसेच सावकारांकडून आर्थिक शोषणाचे गंभीर गुन्हे उघडकीस येत असून, तपासात आणखी धक्कादायक बाबी समोर येण्याची शक्यता पोलिसांनी व्यक्त केली आहे. किडनी विक्रीसारख्या अमानवी कृत्यांमागील संपूर्ण साखळी उघड करण्यासाठी तपास अधिक तीव्र करण्यात आला आहे..चौकशी शिवाय सहभाग कळणार नाहीरवींद्र पाल सिंग याची या प्रकरणात नेमकी काय भूमिका होती? या बाबत अद्याप स्पष्टता नाही. चंद्रपूरला आणल्यानंतर त्याची चौकशी करून त्या आधारे त्याचा या कटातील सहभाग निश्चित केला जाणार आहे. यापूर्वी अटकेत असलेल्या काही आरोपींनी त्याचा नामोल्लेख केला. त्यामुळे त्याला अटक केली आहे, असेही सूत्रांकडून सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
