Solapur News: सोलापूर जिल्ह्यात उसाचा तोडणी हंगाम जोरावर असून आत्तापर्यंत जवळपास सव्वाकोटी तर विभागात दीड कोटी मॅट्रिक टन ऊस गाळप झाला आहे. या ऊस गाळपातून १ कोटी ३५ लाख १६ क्विंटल साखर निर्मिती झाली आहे. कारखान्यांची गोदामे साखरेने भरत आहेत. मात्र, बहुतांश कारखाने शेतकऱ्यांची उसाची बिले पंधरा दिवसांत देताना दिसून येत नाही. त्यामुळे यंदाही शेतकऱ्यांसाठी साखर हंगाम कडूच आहे..सध्या जिल्ह्यासह राज्यात ऊस तोडणी हंगाम सुरळीत सुरू झाला आहे. पोत सांभाळून चालवणाऱ्या कारखान्यांना शेतकरी ऊस देत असून ज्या शेतकऱ्यांची कामगिरी गेल्या काही वर्षांपासून खराब आहे, अशा कारखान्यांना शेतकरी ऊस देताना टाळाटाळ करताना दिसत आहेत. जिल्ह्यात पंढरपूर पट्ट्यातील कारखाने पूर्ण क्षमतेने चालताना दिसून येत आहेत. .Sugarcane Crushing Season: नांदेड विभागात ऊस गाळपात खासगी कारखान्यांची आघाडी.तर सोलापूर शहरालगत असणाऱ्या तालुक्यातील कारखान्यांना मात्र पुरेसा ऊस उपलब्ध होत नाही. जिल्ह्यातील हंगाम सुरू असलेल्या ३४ पैकी अवघ्या ५ कारखान्यांनी आतापर्यंत शेतकऱ्यांच्या उसाची रक्कम पूर्णपणे अदा केली आहे. उर्वरित कारखान्यांनी मात्र शेतकऱ्यांची पूर्ण रक्कम अद्याप अदा केली नाही. सक्षम कायदा नसल्यामुळे साखर कार्यालय आकडेवारी गोळा करण्याच्या पलीकडे काहीही कारवाई करू शकत असल्याचे स्पष्ट आहे..Sugarcane Crushing Season: ऊस गाळपाने घेतला वेग.शेतकऱ्यांचे ६०० कोटी रुपये थकलेसोलापूर जिल्ह्यातील साखर कारखान्यांकडे मोठ्या प्रमाणावर थकबाकी आहे. जिल्ह्यात जवळपास सव्वा कोटी मॅट्रिक टन उसाचे गाळप झाले आहे. यातील देय ऊस बिलापैकी २९ कारखान्यांनी शेतकऱ्यांचे ६०० कोटी रुपये थकविले आहेत..विभागनिहाय स्थितीकोल्हापूर विभाग : साखर उत्पादनात आणि उताऱ्यात हा विभाग आघाडीवर आहे. येथील ३७ कारखान्यांनी १६४.२१ लाख टन गाळप केले असून साखर उतारा सर्वाधिक १०.७८ टक्के आहे.पुणे विभाग : ३० कारखान्यांनी ११७९.७६ लाख टन उसाचे गाळप केले आहे..सोलापूर विभाग : या विभागात सर्वाधिक ५१ कारखाने सुरू असून १५५.९४ लाख टन गाळप. सोलापूर जिल्ह्यात १२३.४६ लाख मेट्रिक टन उसाचे गाळप. १ कोटी ५ लाख ६६ हजार क्विंटल साखरेचे उत्पादन. सरासरी उतारा ८.५६ टक्के..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
