Jalgaon News: जळगाव जिल्ह्यातील भेंडीचे आगार अशी ओळख असलेल्या एरंडोल, धरणगाव भागात भेंडीचे क्षेत्र स्थिर होते. त्यात सध्या काढणीला गती आली असून, पीक बऱ्यापैकी आहे. .एरंडोलमधील खर्ची, खेडी, कढोली, धारागीर, एरंडोल, कासोदा, जवखेडा, उत्राण, तळई आदी भागात भेंडी पीक असते. तसेच धरणगावमधील पथराड, चोरगाव, चांदसर, दोनगाव, पाळधी, रेल, लाडली, भोकणी, फुलपाट, आव्हाणी व इतर भागात भेंडी पीक बारमाही घेतले जाते. पावसाळ्यातही या भागात भेंडी असते..Bhendi Health Benefits : भेंडी खाण्याचे सात फायदे .तसेच अनेक जण मार्चमध्ये लागवड करतात. परंतु मार्च व एप्रिलमधील लागवड घटली होती. भेंडीची लागवड सप्टेंबर व ऑक्टोबरमध्येही झाली आहे. ज्या भागात लागवड झाली आहे, त्यातून या महिन्यात काढणीला गती आली आहे. यामुळे सध्या भेंडीची बाजारातील आवक बरी आहे. ज्या भागातील ज्या शेतकऱ्यांची भेंडी काढणीवर आहे, त्यांना थेट जागेवर किंवा शिवार खरेदीत २० ते २५ रुपये प्रति किलोचा दर मिळत आहे..Bhendi Cultivation : जाणून घ्या निर्यातक्षम भेंडी उत्पादनाचे तंत्र .कमी दर्जाच्या किंवा दुय्यम दर्जाच्या भेंडीसही २० रुपये प्रति किलोचा दर आहे. या गावांत एरंडोल, धरणगाव भागातील मोठे खरेदीदार, एजंट भेंडीची खरेदी करीत आहेत. या भेंडीची पाठवणूक मुंबई, ठाणे, मध्य प्रदेशातील इंदूर, गुजरातमधील सुरत, बडोदा येथे केली जात आहे. यामुळे स्थानिक बाजारात भेंडीला उठाव आहे. जळगाव इतर शहरांमधील आठवडी व इतर बाजारांत विक्रेते भेंडीची ५० ते ६० रुपये प्रति किलो या दरात विक्री करीत आहेत..विविध भागांतून भेंडीची आवकजळगाव येथील भाजीपाल्याचा बाजार प्रसिद्ध आहे. या बाजारात छत्रपती संभाजीनगरमधील सोयगाव, सिल्लोडसह धरणगाव, एरंडोल, चोपडा, यावल आदी भागांतूनही भाजीपाल्याची आवक होते. सध्या भेंडीची आवक कमीअधिक होत आहे. भेंडीची सर्वाधिक आवक धरणगाव भागातून होते. त्यापाठोपाठ एरंडोल, यावल, जामनेर भागात भेंडी पीक आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
