Pune News: खरीप हंगामातील पिकांना ऑक्टोबर महिन्यात हमीभावापेक्षा १७ ते २६ टक्के कमी भाव मिळाला. सोयाबीनला २६ टक्के, मक्याला २४ टक्के आणि कापसाला १५ टक्के कमी भाव मिळाला. विशेष म्हणजे गेल्या वर्षीच्या तुलनेत यंदाचे भाव कमी आहेत..देशातील खरीप पिकांचे यंदा पावसामुळे उत्पादन घटले आहे. परंतु खरिपातील एकाही पिकाला नव्या पणन वर्षातील पहिल्या महिन्यात हमीभाव मिळाला नाही. ऑक्टोबर ते सप्टेंबर असे विपणन वर्ष असते..Agriculture Department LOGO : कृषी विभागाचं नवीन 'बोधचिन्ह' आणि 'घोषवाक्य' ठरलं; राज्य सरकारचा निर्णय.ऑक्टोबर महिन्यात खरिपातील पिकांची आवक सुरू होते. पण ऑक्टोबर महिन्यात कापूस, सोयाबीन, उडीद, मूग, तूर, मका, बाजरी, ज्वारी, भुईमूग आणि भात या सर्वच पिकांचे सरासरी बाजारभाव हमीभावापेक्षा कमी होते. केवळ हमीभावाच्या तुलनेतच नाही तर ऑक्टोबर २०२४ च्या तुलनेत कमी भाव मिळाला.....असे आहेत बाजारभावसोयाबीनचा हमीभाव ५३२८ रुपये आहे. तर बाजारभाव ३९४२ रुपये राहिला. म्हणजेच ऑक्टोबर महिन्यात सोयाबीनला २६ टक्के कमी भाव मिळाला. कापसाचा हमीभाव ८११० रुपये आहे. तर सरासरी भाव ६९०० रुपये होता. म्हणजेच १५ टक्के कमी भाव होता. मक्याचा भावही २४ टक्क्यांनी कमी म्हणजेच १८२१ रुपये राहिला. मुगाचा भाव हमीभावापेक्षा २४.५ टक्क्यांनी कमी राहून ६६१७ रुपये होता..Agriculture Scientist: कृषी शास्त्रज्ञांच्या विरोधातील अर्ज निघाला खोटा.उडदाचा सरासरी भाव ६००० रुपये म्हणजेच २३ टक्के कमी, तुरीचा भाव १७ टक्क्यांनी कमी म्हणजेच ६६०० रुपये, ज्वारीला ८.५ टक्क्यांनी कमी म्हणजेच ३३८५ रुपये भाव मिळाला. बाजरीचा भावही २२.५ टक्क्यांनी कमी म्हणजेच २१५२ रुपये होता. भुईमुगाचा भाव हमीभावापेक्षा २६.५ टक्के अर्थात ५३३७ रुपये राहिला. धानाची खरेदी हमीभावाने होत असली तरी सरासरी भाव काहीसा कमीच राहिला..भाववाढीची आशादेशात यंदा खरिपातील पिकांचे उत्पादन कमी होण्याची शक्यता असतानाही भाव कमी राहिले. तूर, उडीद आणि मुगाचे उत्पादन कमीच राहणार आहे. परंतु आयातीचा दबाव आहे. असे असले तरी पुढील काळात कडधान्याच्या दराला आधार मिळू शकतो, असे आयग्रेन इंडियाचे संचालक राहुल चौहान यांनी सांगितले. तर सोयाबीन आणि कापसाचेही उत्पादन कमी झाले. सोयाबीनच्या दरातही सुधारणेची शक्यता असल्याचे अभ्यासकांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
