Amravati News: युरिया खताचा अपुरा पुरवठा, कंपन्यांकडील लिंकिंगची अडचण आणि पॉस मशीन मधील तांत्रिक बिघाड यामुळे कृषी केंद्र धारकांसह शेतकरी सध्या अडचणीत सापडले आहेत. या पार्श्वभूमीवर शिरजगाव कसबा परिसरातील कृषी केंद्र संचालकांनी एकत्र येत तालुका कृषी अधिकाऱ्यांकडे युरिया खत विक्रीबाबत स्पष्ट मार्गदर्शन करण्याची मागणी केली आहे..युरिया व डीएपी खताचा पुरवठा थेट कंपन्यांकडूनच त्यासोबत इतर काहीतरी लिंकिंग करून केला जात आहे. लिंकिंग उत्पादने घेतल्याशिवाय खत दिले जाणार नाही, अशी भूमिका कंपन्यांकडून घेतली जाते. त्यामुळे नाईलाजाने कृषी विक्रेत्यांना देखील कंपन्यांकडून सक्तीने दिले जाणारी उत्पादने खरेदी करून ती शेतकऱ्यांना विकावी लागतात. त्यातच काही कंपन्या कृषी केंद्रांना थेट पुरवठा न करता ट्रक भाड्याचा अतिरिक्त खर्च लादत असल्याचा आरोप संचालकांनी केला. वाहतूक भाड्याची आकारणी होत असल्याने कृषी सेवा केंद्र धारकांचे नफ्याचे मार्जिन कमी होते..Urea Sale : देशातील युरियाचा वापर घटला; उत्पादन, आयातही वाढली.त्याच्या परिणामी निश्चित दरापेक्षा अधिक भावाने युरिया विक्री करण्याची वेळ कृषी केंद्रांवर येत असून, पॉस मशीनवरील तांत्रिक अडचणींमुळे अनेक शेतकऱ्यांचे ओटीपी येत नाहीत, मोबाईल नेटवर्कची समस्या वाढते आणि व्यवहार खोळंबतात. .Urea Shortage: शेतकऱ्यांना तातडीने युरिया उपलब्ध करून द्या.या पार्श्वभूमीवर शिरजगाव कसबा येथील कृषी विक्रेत्यांनी अशा प्रकरणात कृषी विभागाच्या तातडीच्या हस्तक्षेपाची मागणी केली आहे. या माध्यमातून कंपन्यांकडील लिंकिग विषयक धोरणात भूमिका स्पष्ट करावी, युरियाचा नियमित पुरवठा सुनिश्चित करावा तसेच तांत्रिक अडचणी दूर करण्यासाठी स्पष्ट निर्देश द्यावेत, अशी मागणी विक्रेत्यांची आहे..तक्रारीची दखलतालुका कृषी अधिकारी प्रविण मोहोळ यांनी निवेदनाची दखल घेत दोन ते तीन दिवसांत वरिष्ठ कार्यालयाशी चर्चा करून युरिया पुरवठा सुरळीत करण्यासाठी ठोस कार्यवाही करण्यात येईल, असे आश्वासन दिले. युरिया विक्रीतील गोंधळ तातडीने दूर न झाल्यास शेतकऱ्यांच्या हंगामी कामांवर मोठा परिणाम होण्याची भीती कृषी केंद्र धारकांनी व्यक्त केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
