Solapur News: उत्तर सोलापूरचे तहसीलदार नीलेश पाटील यांच्या कामकाजाची विभागीय चौकशी होणार आहे. या संदर्भात राज्याचे महसूल मंत्र्यांनी आदेश दिले आहेत. पाटील यांनी पदभार घेतल्यापासून त्यांचा कारभार वादग्रस्त आहे, महसूल कामकाजात पारदर्शकता नाही. यासंदर्भात आमदार विजयकुमार देशमुख यांनी तारांकित प्रश्न उपस्थित केला. तर मंगळवारी महसूल मंत्र्यांना पत्रही दिले. यावर महसूलमंत्र्यांनी तत्काळ विभागीय चौकशी करून अहवाल सादर करण्याचे आदेश दिले आहेत. त्यासाठी चौकशी समिती गठित करण्यात आली आहे..Grampanchayat Officer Arrest: पंधरा हजारांची लाच घेताना ग्रामपंचायत अधिकारी अटक.उत्तर सोलापूर तालुक्यातील ग्रामीण भाग व सोलापूर शहर कार्यक्षेत्रात असणाऱ्या उत्तर तहसीलमध्ये लाचखोरी उच्चतम पातळीला गेल्याच्या तक्रारी सातत्याने समोर येत होत्या. गेल्याच आठवड्यात भ्रष्टाचाराच्या एका प्रकरणावरून एका संघटनेने तहसीलदारांच्या नाम फलकाला काळे फासले. या तक्रारींसंदर्भात आमदार विजयकुमार देशमुख यांनी महसूल मंत्री चंद्रशेखर बावनकुळे यांना पत्र दिले होते. .University Inquiry: चौकशी समितीतून डॉ. शिर्के यांना हटविले.त्यांच्या पत्रानुसार चालू अधिवेशनात तहसीलदार पाटील यांच्याबाबत तारांकित प्रश्नही उपस्थित करण्यात आला आहे. मंगळवारी अधिवेशनात आमदार देशमुख यांनी यासंदर्भात महसूल मंत्री बावनकुळे यांची भेट घेतली. यावेळी महसूलमंत्र्यांनी तहसीलदार पाटील यांच्या विभागीय चौकशीचे आदेश दिले. ही चौकशी जलद व प्रामाणिक झाल्यास तहसीलदार पाटील यांच्यासह इतर कर्मचारी सुद्धा कारवाईच्या कक्षेत येतील असा दावा केला जात आहे..आरोपांची चौकशी तहसीलदारांकडूनचआमदार विजयकुमार देशमुख यांनी तहसीलदार नीलेश पाटील यांच्या भ्रष्ट कारभाराबाबत तारांकित प्रश्न नोंदवल्यानंतर महसूल विभागाकडून चौकशी सुरू झाली. विशेष म्हणजे तहसीलदार नीलेश पाटील यांच्या चौकशीवरचा अहवाल जिल्हाधिकारी कार्यालयाने त्यांच्याकडूनच मागवून घेतला आहे..यामुळे जिल्ह्यात सुरू असलेल्या महसूलच्या भ्रष्टाचाराला जिल्हाधिकारी कार्यालयाकडूनच पांघरुण घातले जात आहे का असा प्रश्न निर्माण होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
