Rural Debt Crisis: उत्तर सोलापूर तालुक्यातील रानमसले येथील एका वृद्ध शेतकऱ्याने कर्जाच्या विवंचनेला कंटाळून गळफास घेत आपली जीवनयात्रा संपवल्याची दुर्दैवी घटना उघडकीस आली आहे. बाळासाहेब पंढरी गरड (वय ६०, रा. रानमसले) असे आत्महत्या केलेल्या शेतकऱ्याचे नाव आहे. ही घटना शनिवारी (ता.२५) उघडकीस आली..मिळालेल्या माहितीनुसार, बाळासाहेब गरड यांच्यावर शेतीचे कर्ज असल्याने ते काही दिवसांपासून मानसिक तणावाखाली होते. याच विवंचनेतून त्यांनी गावातील दामोदर गजघाटे यांच्या शेतातील पिंपळाच्या झाडाला कापडी दोरीच्या साहाय्याने गळफास लावून घेतला..Farmer Death: ‘गोकुळ शुगर’कडे उसाचे बिल थकल्याने शेतकऱ्याची आत्महत्या; शेतकऱ्यांचे आंदोलन.घटनेची माहिती मिळताच रानमसलेचे पोलीस पाटील तानाजी गोरे आणि मयत गरड यांचे भाचे जोतीराम साठे यांनी तात्काळ घटनास्थळी धाव घेतली. त्यांनी गरड यांना खाली उतरवून तातडीने उपचारासाठी सोलापूर येथील छत्रपती शिवाजी महाराज सर्वोपचार रुग्णालयात (सिव्हिल हॉस्पिटल) दाखल केले..Farmer Death: कसमादे पट्ट्यात दोन शेतकऱ्यांच्या आत्महत्या.मात्र, डॉक्टरांनी तपासणीअंती उपचारापूर्वीच त्यांचा मृत्यू झाल्याचे घोषित केले. या घटनेची नोंद सोलापूर सिव्हिल पोलीस चौकीत करण्यात आली असून, पुढील तपास पोलीस करत आहेत..कर्जाला कंटाळून शेतकऱ्याने अशा प्रकारे आयुष्य संपवल्यामुळे रानमसले गाव आणि परिसरातून हळहळ व्यक्त केली जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
