Wardha News: राज्य शासनाने सुरू केलेल्या ई-पीक पाहणी प्रणालीत तांत्रिक अडचणी, सातबाऱ्यावर पिकांची नोंद न होणे, सर्व्हर सतत डाऊन राहणे, यामुळे शेतकऱ्यांचे मोठे हाल सुरू आहेत. त्याचा परिणाम म्हणून नाफेडकडील सोयाबीन आणि सीसीआयची कापूस खरेदी या दोन्ही प्रक्रियांवर परिणाम होऊन शेतकऱ्यांना त्यांचा मालच विकता येत नाही. .गेल्या काही दिवसांपासून परिसरात ई-पीक पाहणी अॅप सतत डाऊन होत असल्याने शेतकऱ्यांना वेळोवेळी नोंदणी करणे अशक्य होत आहे. कधी अॅप चालत नाही, तर कधी सर्व्हर प्रतिसाद देत नाही. अशा परिस्थितीत शेतकऱ्यांनी अनेकदा प्रयत्न करून ई-पीक पाहणी केली असली तरी त्यात पिकांची सातबाऱ्यावर नोंदच दिसत नाही, असा गंभीर प्रकार समोर आला आहे..E Peek Survey: ई-पीकपाहणीला येणार गती.त्रस्त शेतकऱ्यांनी तलाठी कार्यालयात धाव घेतली. सातबाऱ्यावर शेतमालाची नोंद होत नसल्याबद्दल त्यांनी वारंवार तक्रारी केल्या. मात्र तलाठ्यांकडून आवश्यक त्या कारवाईकडे दुर्लक्षच झाले, असा आरोप शेतकरी करत आहेत..E-Peek Survey : ई-पीक पाहणीला मिळाला ९३ टक्के खातेदारांचा प्रतिसाद.नाफेड, सीसीआय खरेदीसाठी नोंद अनिवार्यनाफेडकडून सोयाबीन विक्रीसाठी तसेच सीसीआयकडे कापूस विक्रीसाठी पिकांची ई-नोंद अनिवार्य आहे. नोंदच नसल्याने शेतकऱ्यांवर शेतमाल खासगी व्यापाऱ्यांनाच कमी दरात विकण्याची वेळ येत आहे..यात शेतकऱ्यांना आर्थिक तोटा सहन करावा लागत आहे. परिसरातील जगन सुमटकर, अमोल सुमटकर, मधुकर कांजोडे यांच्यासह अनेक शेतकऱ्यांनी या प्रकरणी वरिष्ठ अधिकाऱ्यांनी तातडीने हस्तक्षेप करावा, सर्व्हर व तांत्रिक अडचणी दूर करून ई-पीक पाहणीत खरी माहिती अपडेट करावी, अशी मागणी केली आहे..डिजिटल योजनेचा फायदा हवा, त्रास नव्हेशेतकऱ्यांचे म्हणणे आहे की ई-पीक पाहणीसारखी महत्त्वाची योजना योग्य प्रकारे चालली तर त्याचा फायदा होईल. पण तांत्रिक त्रुटी, अधिकारी वर्गाची उदासीनता आणि वेळेत सुधारणा न झाल्याने शेतकऱ्यांनाच त्रास सहन करावा लागत आहे. सध्या सीसीआयकडून कापूस व नाफेडची सोयाबीन खरेदी जिल्ह्यात सुरू झाली आहे. मात्र, सातबा-यात नोंद नसल्यामुळे शेतकऱ्यांना विक्री करताना मोठी अडचणी येत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
