SHG Environmental Initiative: प्रतिपंढरपूर अशी ओळख असलेल्या करवीर तालुक्यातील नंदवाळ येथे आषाढी एकादशीची धामधूम सुरू आहे. पायी दिंडीसह दिवसभरात लाखोभाविक विठ्ठल मंदिरात दर्शनासाठी येतात. मंदिरात वाहिल्या जाणाऱ्या फुलांचे, तुळशीचे, चंदनाच्या पानांचे पुढे काय, असा प्रश्न प्रशासनासमोरही आहे. निर्माल्यातून धूपकांडी, साबण, तेल निर्मितीसाठी आता गावातील ‘रणरागिणी महिला मंडळ’ सरसावले आहे. निसर्गमित्र संस्था व आदर्श सहेली मंचच्या मदतीने एकादशीच्या दुसऱ्या दिवशीपासूनच या निर्माल्यातून विविध वस्तूंची निर्मिती करण्याचा निर्धार महिलांनी केला आहे..नंदवाळ दिंडीसोबत चालण्यासाठी कोल्हापूर शहर, करवीर तालुक्यातील भाविकांसह आसपासच्या तालुक्यातील गर्दी वाढत आहे. दिवसभर मंदिरात दर्शनासाठी रीघ दिसून येते. वाहनांमधून नंदवाळमध्ये दाखल होणाऱ्या भाविकांचीही संख्या लाखोंच्या घरात आहे. सध्या गावातही एकादशीची तयारी अंतिम टप्प्यात असून, ग्रामपंचायतीच्या मदतीने अनेक उपक्रम हाती घेतले आहेत..Reservoir Storage: प्रकल्पांमधील पाणीसाठ्यात केवळ तीन टक्क्यांनी वाढ.गावात साफसफाई, रस्त्यांच्या दुतर्फा स्वच्छतेची कामे सुरू आहेत. यासोबतच मंदिराच्या आवारातही अनेक कामे सुरू आहेत. विठ्ठल मंदिरात येणारे भाविक देवासमोर तुळस, फुले, चंदन वाहतात. अनेक वर्षांपासून हा नित्यक्रम सुरू आहे. निर्माल्यापासून खत निर्मितीचीही संकल्पना ग्रामस्थांनी राबविली आहे. सरपंच अमर कुंभार यांनीही गावातील महिलांचा यामध्ये सहभाग होण्यासाठी पुढाकार घेतला..Water Conservation: शेत परिसरात मूलस्थानी पाणी मुरविण्याच्या उपाययोजना.निसर्गमित्र संस्थेचे कार्यवाह अनिल चौगुले यांनी ग्रामपंचायत सदस्या शारदा पाटील, आशा वर्कर राजश्री कोंडेकर यांची भेट घेऊन माहिती दिली. त्यांनीही ही संकल्पना अत्यंत उपयुक्त व महिलांना रोजगाराची संधी निर्माण करून देणार असल्याचे सांगितले..केमिकलमुक्त हळद, कुंकू, बुक्का याचीही निर्मिती करण्यासाठी महिलांनी सहमती दर्शवली. एकादशीनंतर आदर्श सहेली मंचच्या वतीने महिलांसोबत या वस्तू निर्मितीला सुरुवात होणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
