Irrigation Problem Faced by Farmers: पावसाने परतीचा प्रवास सुरू केला असतानाही नीरा व भीमा नद्या पाण्याअभावी कोरड्या पडल्याने नदीकाठच्या शेतकऱ्यांची चिंता वाढली आहे. इंदापूर, माढा व माळशिरस तालुक्यांतील अनेक भागांत पावसाअभावी शेतीची परिस्थिती गंभीर झाली असून, पिके जळण्याच्या मार्गावर आहेत. त्यामुळे उजनी व वीर धरणातून नदीपात्रात तातडीने पाणी सोडण्याची मागणी जोर धरत आहे..यावर्षी पावसाळ्यात अपेक्षित पाऊस झाला नसल्याने खरीप हंगामातील पिकांवर मोठा परिणाम झाला आहे. उपलब्ध पाण्यावर शेतकऱ्यांनी ऊस, चारा, फळे, भाजीपाला तसेच इतर पिके जोपासली आहेत. मात्र, पिकांना निर्णायक टप्प्यावर पाण्याची गरज असताना नदीपात्र कोरडे पडल्याने संकट निर्माण झाले आहे..Maharashtra Water Crisis : दुष्काळसदृश परिस्थितीत पाण्याचे काटेकोर नियोजन करा.नीरा व भीमा नदीकाठच्या विहिरी, विंधनविहिरी तसेच लघुसिंचन प्रकल्पांच्या पाणीपातळीत घट होत आहे. पाण्याचे दुर्भिक्ष्य निर्माण झाल्याने पाण्याचा प्रश्न निर्माण होण्याची शक्यता आहे. उजनी व वीर धरणातील पाण्याचे नियोजन करून नदीपात्रात पाणी सोडण्यात यावे, अशी मागणी नरहरी काळे, श्रीकांत दंडवते, दादासाहेब क्षिरसागर,.केशव बोडके, अशोक बोडके, शशिकांत सूर्यवंशी, राहुल बागल, मुबारक तांबोळी, शब्बीर शेख यांनी केली आहे. प्रशासनाने तातडीने दखल घेत नदीपात्रात पाणी सोडल्यास विहिरी, बोअरवेलच्या पाणीपातळीत वाढ होऊन दिलासा मिळू शकतो, अशी अपेक्षा संतोष सूतार, विक्रम मोहिते, रणधीर मोहिते, नंदकुमार शिंदे, आदित्य गायकवाड यांनी व्यक्त केली आहे..Baramati Water Crisis: बारामतीचा जिरायत भाग तहानलेला .उजनीत ११२ टीएमसी पाणीसाठा असून धरण ९७ टक्के भरले आहे. सीना माढा बोगद्यातून ९०० व कालव्यामधून ३००० क्युसेकचा विसर्ग सुरू आहे. भीमा नदी कोरडी असतानाही पाणी सोडले जात नसल्याने उजनी धरण प्रशासनाकडून दुजाभाव होत असल्याचे शेतकरी व्यक्त करत आहेत..दुष्काळाच्या उपाययोजनांची प्रतीक्षामहाराष्ट्र शासनाने इंदापूर तालुक्यात नुकताच दुष्काळ जाहीर केला असून, त्या संदर्भातील उपाययोजनांसाठी हालचाली सुरू करण्याचे आदेश अद्याप अधिकाऱ्यांना दिले नसल्याचे चित्र आहे. मजुरांच्या हाताला काम, जनावरांना चारा व पाणी, नागरिकांना पिण्यासाठी पाणी देण्याची मागणी नागरिक करत आहेत. मजुरांना कामे नसल्याने धान्य उपलब्ध करून देण्याची मागणीही होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
