Mumbai News: खासगी सावकाराकडून घेतलेल्या कर्जाच्या परतफेडीसाठी राज्यातील १९ शेतकऱ्यांनी किडन्या विकल्या असल्याची माहिती गृह विभागाने मंगळवारी विधानसभेत लेखी उत्तरात दिली. .यामध्ये चंद्रपूर, सोलापूर आणि अहिल्यानगर जिल्ह्यांतील शेतकऱ्यांचा समावेश आहे. काँग्रेसचे ज्येष्ठ सदस्य नितीन राऊत, भाजपचे अतुल भातखळकर आणि उमरखेडचे संजय मेश्राम यांच्यासह बहुतांश सदस्यांनी उपस्थित केलेल्या तारांकित प्रश्नाला उत्तर देताना गृह विभागाने दिलेल्या उत्तरात ही बाब समोर आली आहे..राज्यात सावकारांच्या कर्जाच्या परतफेडीसाठी शेतकऱ्यांना किडनी विकावी लागत असून, किडनी विक्रीचे रॅकेट तमिळनाडू येथील तिरुचिरापल्ली येथील एका हॉस्पिटलद्वारे चालविले जात आहे. या प्रकरणात आंतरराज्य व आंतरराष्ट्रीय मानवी अवयव तस्करीचे जाळे कार्यरत असल्याची बाब समोर आली आहे, हे खरे आहे का, असा प्रश्न विचारण्यात आला..Kidney Sale Case: किडनी विक्री प्रकरणाचे आंतरराष्ट्रीय कनेक्शन.तसेच सोलापूर आणि अहिल्यानगर येथे सावकारांच्या जाचाला कंटाळून काही शेतकऱ्यांनी आत्महत्या केल्या असून काहींनी किडन्या विकल्याचा प्रकार उघडकीस आला आहे, हे खरे आहे का, असा प्रश्न उपस्थित केला होता..यावर मिथूर (ता. नागभीड, जि. चंद्रपूर) येथील रोशन कुडे या शेतकऱ्याने खासगी सावकाराकडून एक लाख रुपयांचे कर्ज घेतले. त्यापोटी शेतकऱ्याने सावकाराला ४८.५३ लाख रुपयांची रक्कम व एक एकर जमीन परतफेडीपोटी दिली. त्यानंतरही तगादा लावल्यानंतर संबंधित शेतकऱ्याने कंबोडिया येथे जाऊन आठ लाख रुपयांना किडनी विकली व सहा लाखांचे कर्ज फेडले..Kidney Sale Case: किडनी विक्री प्रकरणाचे आंतरराष्ट्रीय कनेक्शन.या प्रकरणी गुन्हे दाखल करण्यात आले असून, तपास केला असता सोलापूर येथील एका मध्यस्थामार्फत कंबोडिया येथे किडनी विकल्याचे समोर आले आहे. यामध्ये मध्यस्थाने स्वतःसह आणि नऊ व्यक्तींच्या किडन्या कंबोडिया तसेच तमिळनाडूतील स्टार किंम्स हॉस्पिटल येथे विकल्या असल्याचे सांगितले..या प्रकरणात सावकारी करणाऱ्या सहा आरोपींबरोबरच किडनी खरेदी-विक्रीत सहभागी असणाऱ्या अन्य पाच जणांना आरोपी करण्यात आले आहे. यापैकी आठ जणांना अटक करण्यात आली असून एका आरोपीला फरार घोषित केले असून त्याचा शोध सुरू आहे, अशी माहिती उत्तरात देण्यात आली आहे..सोलापुरातून मध्यस्थाला अटक‘‘सोलापूर जिल्ह्यातील एका मध्यस्थाने १६ जणांची किडनी तसेच मानवी अवयव कोलकातामार्गे कंबोडिया येथील पनॉम पेन केट मेआलिया या लष्करी रुग्णालयामध्ये विकली आहे,’’ हे खरे आहे का, असा प्रश्न विचारला गेला. यावर सोलापुरातून अटक करण्यात आलेल्या व्यक्तीने कंबोडिया येथे स्वतःची किडनी आठ लाख रुपयांना विकली. .तसेच त्याने इतर नऊ जणांच्या किडन्या विकल्याचे तपासामध्ये समोर आले आहे. यातील पीडित सात जण परराज्यांतील आहेत. तसेच अहिल्यानगर जिल्ह्यात परवानाधारक सावकारांनी १९ कोटी ८१ लाख ३५ हजार रुपयांचे कर्जवाटप केले आहे. मात्र खासगी सावकारांच्या जाचाला कंटाळून काही शेतकऱ्यांनी आत्महत्या केल्या असल्याची नोंद नसल्याचे उत्तरात गृह विभागाने म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
