Jalna News : निम्न दुधना प्रकल्पाच्या बुडीत क्षेत्रात गेलेल्या असंपादित जमिनीची मोजणी अपूर्ण आहे. त्यामुळे यंदाही प्रकल्पात ७५ टक्के जलसाठा ठेवण्यात येणार आहे. उर्वरित पाणी नदीपात्रात सोडले जाणार आहे. सद्यःस्थितीत प्रकल्पात ७३.९२ टक्के जलसाठा निर्माण झाल्याने नदीपात्रात पाण्याचा विसर्ग केला जात आहे. .निम्न दुधना प्रकल्पाचे काम अनेक अडथळ्यांनंतर ३५ वर्षांनंतर पूर्ण झाले. वर्ष २०१० पासून प्रकल्पात पाणी साठवले जात आहे. अद्यापही उजव्या व डाव्या कालव्याच्या लघुवितरिकेची कामे अपूर्ण असल्यामुळे पूर्ण क्षमतेने सिंचन होत नाही. प्रकल्पात शंभर टक्के जलसाठा केल्यानंतर मंठा व परतूर तालुक्यातील जवळपास २३ गाव शिवारातील असंपादित जमिनीवर पाणी साचून पिकांचे नुकसान होत आहे. .Water Project Storage : सातपुड्यातील प्रकल्प भरू लागले .त्यामुळे या भागातील शेतकऱ्यांनी दोन वर्षांपूर्वी जमीन संपादित करून मावेजा देईपर्यंत प्रकल्पात शंभर टक्के साठा करू नये, अशी भूमिका घेतली आहे. परिणामी, मागील दोन वर्षांपासून प्रकल्पात केवळ ७५ टक्के जलसाठा करून उर्वरित पाणी नदीपात्रात सोडले जात आहे. गतवर्षी सप्टेंबर, ऑक्टोबर महिन्यांत अतिवृष्टी झाल्यामुळे प्रकल्पात मोठ्या प्रमाणावर पाण्याची आवक झाली होती..Water Storage : लहानमोठ्या प्रकल्पांत ८२ टक्के पाणीसाठा.त्यानंतर प्रकल्पातून हजारो क्युसेक पाणी नदीपात्रात सोडले गेले होते. दोन वर्षांपासून असंपादित जमिनीची मोजणी केली जात आहे. मंठा व परतूर तालुक्यांतील २३ पैकी सात गाव शिवारांतील असंपादित जमिनीची मोजणी शिल्लक असल्याची माहिती प्रकल्पाच्या सूत्रांनी दिली. दरम्यान, संबंधित विभागाकडून असंपादित जमिनीची मोजणी संथगतीने केली जात आहे. त्यामुळे सलग तिसऱ्या वर्षीही प्रकल्पाची पाणीपातळी ७० टक्केच ठेवण्याची वेळ आली..दोन दरवाजांतून विसर्गधरणात एकूण जलसाठा ७३.९२ टक्के असून, दोन दरवाजांतून ६७२.५८ क्युसेक विसर्ग सुरू आहे. धरणात पाण्याची आवक पाहता विसर्ग कमी-अधिक करण्यात येणार असल्याचे सहायक अभियंता मुंजाजी कोल्हे यांनी सांगितले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
