Maharashtra Farmers Oppose Expressway Project : प्रस्तावित शक्तिपीठ महामार्गासाठी जमीन मोजणी करण्यास आलेल्या प्रशासकीय पथकाला शुक्रवारी (ता. ५) निमगाव येथे शेतकऱ्यांच्या तीव्र विरोधाला सामोरे जावे लागले. मोठा पोलिस बंदोबस्त तैनात असतानाही शेतकऱ्यांनी मोजणीचा प्रयत्न हाणून पाडला. आंदोलनादरम्यान काही शेतकऱ्यांनी अंगावर डिझेल ओतून आत्मदहनाचा प्रयत्न केला, तर एका शेतकरी दांपत्याने विषप्राशनाचा प्रयत्न केल्याने परिसरात तणावपूर्ण वातावरण निर्माण झाले. अखेर परिस्थिती चिघळण्याची शक्यता लक्षात घेऊन प्रशासनाने मोजणी रद्द करण्याचा निर्णय घेतला..शुक्रवारी सकाळी सुमारे सातच्या सुमारास मोजणी अधिकारी आणि पोलिसांचा मोठा ताफा निमगावमध्ये दाखल झाला. प्रशासनाने गावातील तीन ठिकाणी जमीन मोजणीचे नियोजन केले होते. मात्र, मोजणीची माहिती मिळताच शेतकरी मोठ्या संख्येने घटनास्थळी जमा झाले आणि त्यांनी मोजणीला कडाडून विरोध केला..Shaktipeeth Highway Protest: शक्तिपीठ महामार्गाच्या सर्व्हेक्षणाला विरोध, माळशिरस तालुक्यातील शेतकरी आक्रमक.परिस्थिती नियंत्रणात ठेवण्यासाठी प्रांताधिकारी विजया पांगारकर, तहसीलदार सुरेश शेजुळ पोलिसांसह घटनास्थळी दाखल झाले. यावेळी शेतकरी नेते के. के. पाटील आणि ॲड. लक्ष्मण मगर यांनी भूसंपादन प्रक्रिया व महामार्ग प्रकल्पाबाबत प्रशासनाला जाब विचारला. त्यांनी उपस्थित केलेल्या कायदेशीर आणि तांत्रिक प्रश्नांना समाधानकारक उत्तरे देण्यात अधिकाऱ्यांना अडचणी आल्याने शेतकरी व प्रशासन यांच्यात शाब्दिक चकमक झाली..Shaktipeeth Highway Protest: 'शक्तिपीठ महामार्ग रद्द करा', माढा तालुक्यातील शेतकरी आक्रमक, सर्व्हेक्षणास तीव्र विरोध.प्रशासनाने पोलिस बंदोबस्ताच्या मदतीने मोजणी सुरू करण्याचा प्रयत्न केल्यानंतर आंदोलन अधिकच तीव्र झाले. यावेळी काही शेतकऱ्यांनी अंगावर डिझेल ओतून आत्मदहनाचा प्रयत्न केला. तसेच एका शेतकरी दांपत्याने विषप्राशनाचा प्रयत्न केला. पोलिसांनी वेळीच हस्तक्षेप करून संबंधितांना रोखल्याने अनर्थ टळला. मात्र, या घटनांमुळे परिसरातील वातावरण अधिकच तणावपूर्ण बनले..‘मोजणी बंद करा, अन्यथा अटक करा’वाढता तणाव लक्षात घेऊन प्रांताधिकारी विजया पांगारकर यांनी शेतकऱ्यांशी संवाद साधत त्यांची समजूत काढण्याचा प्रयत्न केला. प्रशासनाला सहकार्य करण्याचे आवाहन करणारे लेखी पत्रही त्यांनी शेतकऱ्यांना दिले. मात्र, शेतकरी आपल्या भूमिकेवर ठाम राहिले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
