Nepal Flood Deaths: नेपाळमध्ये अचानक आलेल्या पुरातील मृतांचा आकडा ६१६ वर पोहोचला आहे. तर जखमी आणि बचावलेल्या लोकांची संख्या २,३०१ आहे. नेपाळच्या आपत्ती व्यवस्थापन प्राधिकरणाच्या माहितीनुसार, २,४२६ लोक अजूनही बेपत्ता असून, चौथ्या दिवशीही बचावकार्य सुरू आहे. पावसामुळे बचावकार्यात अडथळा येत असल्याचे आपत्कालीन पथकांचे म्हणणे आहे..चीनकडील बाजूस ७ लोकांचा मृत्यू झाला आहे. पूरग्रस्त बाधित भागात या आठवड्याच्या अखेरीस आणखी पावसाची शक्यता आहे. या पार्श्वभूमीवर अधिकारी दोन जलाशयांतील पाणी पातळीकडे बारकाईने लक्ष ठेवून आहेत. कारण यामुळे पूरस्थिती निर्माण होण्याची भीती व्यक्त केली जात आहे. .Nepal Flood: नेपाळमध्ये पुन्हा महाप्रलयाचे संकट.चीनच्या सरकारी प्रसारमाध्यमाच्या वृत्तानुसार, पुरामुळे मोठे नुकसान झालेल्या एका सीमावर्ती भागात कोणीही जिवंत आढळून आलेले नाही. तर नेपाळ पर्यटन मंडळाने, पूरस्थिती अडकलेल्या आतापर्यंत १८४ परदेशी नागरिकांची सुटका केली असल्याची माहिती दिली आहे. तिबेटमधील सात जणांचा मृत्यू झाला असून ५५४ जण बेपत्ता आहेत..Nepal Flood Death Toll: नेपाळमध्ये पुन्हा महाप्रलयाचं संकट; 'बॅरियर लेक' फुटण्याचा धोका? मृतांचा आकडा ५४७ वर.गेल्या बुधवारी नेपाळ-तिबेट सीमेवर अचानक आलेल्या भयंकर पुरामुळे घरे, वाहने, रस्ते आणि पूल वाहून गेले आहेत. तसेच जलविद्युत प्रकल्पांचे मोठे नुकसान झाले आहे. नेपाळमधील पुरानंतर भोटेकोशी नदीतून चितवन जिल्ह्यात २२९ बेवारस आणि अद्याप ओळख न पटलेले मृतदेह वाहून आले आहेत. ते दफन करण्याचा निर्णय प्रशासनाने घेतला आहे..नेपाळमध्ये अडकलेल्या १०० भाविकांचा महाराष्ट्राकडे परतीचा प्रवास सुरूभारत सरकार नेपाळमधील पूरस्थितीवर बारकाईने लक्ष ठेवून आहे. भारताकडून शक्य होईल तेवढी मदत पुरवली जात आहे, केंद्र सरकारकडून सांगण्यात आले आहे. दरम्यान, मुख्यमंत्री देवेंद्र फडणवीस यांच्या पुढाकाराने नेपाळमध्ये अडकलेल्या १०० भाविकांचा महाराष्ट्राकडे सुरक्षित परतीचा प्रवास सुरू झाला आहे. नेपाळपासून पाटणापर्यंत भाविकांच्या सुरक्षित प्रवासासाठी आवश्यक समन्वय आणि सर्वतोपरी मदत करण्यात आली. महाराष्ट्रात सुखरूप परतण्यासाठी त्यांच्या रेल्वे प्रवासाचीही व्यवस्था करण्यात आली आहे. .आज सकाळी ७:३६ वाजता रेल्वेतून सर्व १०० भाविक पाटणाहून नागपूरकडे सुखरूप रवाना झाले. राज्य सरकार त्यांच्या सुरक्षित परतीसाठी सातत्याने समन्वय साधत आहे. सर्व भाविक लवकरच महाराष्ट्रात आपल्या घरी सुखरूप पोहोचतील, अशी माहिती मुख्यमंत्री कार्यालयाकडून देण्यात आली आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
