Jalgaon News: खानदेशात रब्बी हंगामात केळी व इतर पिकांसाठी पीककर्ज प्रस्ताव बँकांकडे दाखल होत आहेत. सुमारे पाच हजार प्रस्ताव सादर झाले असून, किमान १००० कोटी रुपये निधीची गरज त्यासाठी असणार आहे. .खानदेशात फक्त ७०० कोटी रुपये निधी वितरण रब्बी पीक कर्जासंबंधी करण्याचे नियोजन बँका, प्रशासनाने केले आहे. अशात आणखी १०० कोटी रुपये निधीची व्यवस्था, तरतूद पीक कर्जासाठी करावी लागेल, असाही मुद्दा आहे..Rabi Crop Loans: रब्बीत केवळ ९ टक्के पीक कर्जाचे वितरण.धुळे-नंदुरबार जिल्हा बँकेला रब्बीसाठी पीक कर्ज वितरणाचा लक्ष्यांकच नाही. ही बँक ग्रामीण भागात आहे. परंतु बँकेला शासनाकडून मदत, आधार नाही. बँकेकडून खरिपात पीककर्ज वितरणासंबंधी गतीने काम सुरू होत. परंतु रब्बीसाठी बँकेला लक्ष्यांक नाही. यामुळे बँक वित्तीयदृष्ट्या सक्षम करण्याची मागणीही शेतकरी करीत आहेत..Rabi Crop Loan : खानदेशात रब्बी पीककर्ज वितरण अपूर्णच.खरिपात खानदेशात सुमारे २८०० कोटी रुपये निधीची आवश्यकता असते. या तुलनेत रब्बीमध्ये पीक कर्जाची कमी मागणी असते. याबाबत मध्यंतरी प्रशासनाने नियोजन केले होते. त्यात मागणी व निधी यावर चर्चा झाली होती. मागील एप्रिल, मे महिन्यात अनेक शेतकऱ्यांना पीककर्ज मिळू शकले नाही. जूनपासून कर्ज प्रस्ताव मार्गी लावण्याचे काम वेगात सुरू झाले. या प्रस्तावांसाठी कागदपत्रांची जुळवाजुळव अनेकांना शक्य झाली नाही. यामुळे अनेक वंचित शेतकरी आता रब्बीमध्ये पीककर्ज मागणी करीत आहेत. हे प्रस्ताव यंदा वाढतील, असे संकेत सुरुवातीलाच होते. कारण शेतकऱ्यांना निधीची गरज आहे. केळी व इतर पिकांसाठी पुढे खते, मजुरी आदी खर्च लागणार आहे. पिकांचे व्यवस्थापन व इतर कार्यवाहीसाठीदेखील निधीची गरज आहे..राष्ट्रीय बँकांमध्ये अधिकचे कर्ज प्रस्ताव दाखल झाले आहेत. त्यात सीबिलची कटकटही शेतकऱ्यांसमोर उभी केली जात आहे. त्यात जामीनदार, कर्जदार यांचे कर्ज परतफेडीचे रेकॉर्ड तपासले जात आहे. यासाठी बँका १०० रुपये शुल्क सीबिल तपासणीसाठी घेत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
