केंद्र सरकारच्या ग्राहक व्यवहार विभागाच्या किंमत स्थिरीकरण निधी योजनेअंतर्गत २०२५-२६ या हंगामासाठी भारतीय राष्ट्रीय ग्राहक सहकारी महासंघ (एनसीसीएफ) यांच्या माध्यमातून १.४३ लाख टन कांदा खरेदी करण्यात आली. .मात्र ही प्रक्रिया पूर्ण होऊन नऊ महिने उलटले तरी खरेदीदार संस्थांच्या पदरात हक्काचे एकत्रित खर्चाचे पैसे पडलेले नाहीत. उलट देयकांमध्ये अनधिकृतपणे कपात करण्यात आल्याने संतप्त झालेल्या ३३ शेतकरी उत्पादक कंपन्यांच्या प्रतिनिधींनी नाशिक येथील ‘एनसीसीएफ’ कार्यालयात ठिय्या दिला..Onion Price Fall: निर्यात ठप्पचा जीआय टॅग ‘बंगळूर रोज’ कांदा उत्पादकांना फटका, केंद्राकडे मदतीची मागणी.या खरेदी प्रक्रियेत सहभागी झालेल्या संस्थांनी करारानुसार ७२ टक्के रिकव्हरी पूर्ण केल्याचा दावा केला आहे. असे असतानाही चाळी भाडे, हाताळणी, प्रतवारी आणि मजुरी या वितरण प्रक्रियेतील एकत्रित खर्चाची देयके प्रलंबित आहेत..कंपनी प्रतिनिधींच्या माहितीनुसार, सुरुवातीला निविदा प्रसिद्ध करताना ही रक्कम २५० रुपये प्रति क्विंटल निश्चित करण्यात आली होती; मात्र प्रत्यक्ष करारावेळी ती २४० रुपये करण्यात आली. आता ईमेलद्वारे केवळ २२० रुपये स्वीकारण्यासाठी कंपन्यांवर दबाव टाकला जात असून, त्यातूनही ४० टक्क्यांपर्यंत कपात करण्यात आल्याचा प्रकार समोर आला आहे..Onion Price Drop: कांदा उत्पादकांसोबत बाजार समितीही तोट्यात.अगोदरच दोन हप्त्यांमध्ये केवळ अंशतः देयके प्राप्त झाल्याने या संस्था सध्या मोठ्या आर्थिक कोंडीत सापडल्या आहेत. या संदर्भात मागील शुक्रवारी निवेदन देऊनही प्रशासनाकडून कोणतीही हालचाल झाली नाही..अखेर गुरुवारी दुपारी साडेचार वाजेपर्यंत कार्यालयात ठिय्या देऊनही कपातीचे ठोस कारण न मिळाल्याने खरेदीदार संस्थांनी आता या अन्यायाविरोधात न्यायालयात दाद मागण्याचा इशारा दिला आहे. या प्रकरणामुळे शेतकरी उत्पादक कंपन्यांमध्ये प्रशासनाविरोधात मोठा रोष निर्माण झाला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
