Nashik News: केंद्र सरकारच्या ग्राहक व्यवहार विभागाच्या माध्यमातून किंमत स्थिरीकरण निधी योजनेअंतर्गत भारतीय सहकारी ग्राहक महासंघाने(एनसीसीएफ) २०२४–२५ मध्ये २.५ लाख टन कांद्याची खरेदी करण्यात आली. मात्र वर्ष उलटले तरी १० टक्के देयके प्रलंबित आहेत..वर्षभरापासून पाठपुरावा करूनही पैसे मिळत नसल्याने गुरुवारी (ता.१६) रयत क्रांती संघटनेचे माजी प्रदेशाध्यक्ष व राज्य सरकारच्या कांदा धोरण समितीचे सदस्य दीपक पगार यांनी ‘एनसीसीएफ’च्या नाशिक शाखा कार्यालयाला कुलूप लावत संताप व्यक्त केला. अखेर पुढील आठवड्यात पैसे देण्याचे आश्वासन मिळाल्यानंतर त्यांनी दरवाजा उघडला..Onion Payment : केंद्राकडून शेतकऱ्यांना अद्याप कांदा खरेदीचे पूर्ण पैसे मिळेनात.मागील वर्षी रब्बी कांद्याची ‘एनसीसीएफ’च्या माध्यमातून १४ ते १६ रुपये प्रति किलोने कांद्याची खरेदी केल्यानंतर हा कांदा ग्राहकांसाठी पुरविण्यात आला. मात्र या कांदा खरेदीपोटी १० टक्के देयके प्रलंबित आहे. या मुद्द्यावर गेल्या वर्षभरापासून श्री. पगार सातत्याने पाठपुरावा करत होते. मात्र ‘तारीख पे तारीख’ व आश्वासने मिळत होती..Farmer Payment : व्यापाऱ्याने शेतकऱ्यांचे थकविले ५० लाखांचे चुकारे .सणासुदीलाही पैसे मिळत नसल्याने त्यांचा संताप उफाळून आला. त्यांनी दुपारी तीन वाजता कार्यालयावर धडक देत टाळे ठोकले. या वेळी ‘एनसीसीएफ’चे कर्मचारी कार्यालयात कोंडण्यात आले. तर जेवणाच्या निमित्ताने शाखा व्यवस्थापक हे कार्यालय बाहेर होते. अखेर हा रोष उफाळून आल्यानंतर पोलिसांसह ते पुन्हा कार्यालयात दाखल झाले. अखेर पैशांबाबत आश्वासन मिळाल्यानंतर श्री. पगार यांनी चार वाजेच्या सुमारास दरवाजा उघडला..मागील शाखा व्यवस्थापक व कामकाजाचे पापमागीलवर्षी कांदा खरेदी प्रक्रिया तत्कालीन शाखा व्यवस्थापक जतीन ग्रोवर यांच्या कारकिर्दीत झाली. त्यानंतर प्रशांत मिश्रा यांची बदली झाल्यानंतर ते कामकाज पाहू लागले. मात्र त्यांची वादग्रस्त कारकीर्द समोर आल्यानंतर त्यांची उचलबांगडी करण्यात आली. तर नव्याने आलेले ब्रिजबिहारी सिंग यांच्या काळात त्यांना आता शेतकऱ्यांच्या रोषाला सामोरे जावे लागत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
