Nashik News: राष्ट्रीय सहकारी ग्राहक महासंघाच्या (एनसीसीएफ) नाशिक शाखेचे तत्कालीन शाखा व्यवस्थापक व सध्या शिमला शाखेत कार्यरत असलेले जितीन ग्रोवर यांचे निलंबन झाल्याची माहिती समोर आली आहे. याबाबत महासंघाच्या वरिष्ठ अधिकाऱ्यांशी संपर्क साधला असता प्रशासकीय कारवाई करण्यात आली असल्याचा त्यांनी दुजोरा दिला आहे. मात्र याबाबत अधिक माहिती देण्यास टाळाटाळ करण्यात आली..गेल्या तीन वर्षांपासून नाशिकमध्ये कांदा खरेदीच्या अनुषंगाने केंद्र सरकारच्या ग्राहक व्यवहार विभागाची नोडल एजन्सी म्हणून ‘एनसीसीएफ’चे कार्यालय नाशिकमध्ये सुरू झाले. सुरुवातीपासून आतापर्यंत नुकतीच बदली करण्यात आलेल्या तीनही व्यवस्थापकांची कारकीर्द वादग्रस्त ठरली..NCCF Onion Scam: ‘एनसीसीएफ’ कांदा खरेदीतील आर्थिक सल्लागाराला हटविले.तर ‘अर्थ’पूर्ण व्यवहार केल्याचे काही शेतकरी उत्पादक कंपन्यांनी ‘ॲग्रोवन’कडे बोलून दाखविले होते. यामध्ये सुरुवातीला परीक्षित. एम यांची नाशिक येथून रायपूर (छत्तीसगड) येथे बदली झाल्यानंतर श्री. ग्रोवर यांनी पदभार स्वीकारला होता. २०२४ मध्ये कांदा खरेदीचे कामकाज त्यांनी पाहिले. या काळात त्यांच्यावर गंभीर आरोप करण्यात आले होते..NCCF Branch Manager Transfer: ‘एनसीसीएफ’च्या शाखा व्यवस्थापकाची तडकाफडकी बदली.अखेर त्यांची बदली सिमला येथे झाली. ग्रोवर यांच्या काळात अपात्र संस्थांना पात्र करणे, परप्रांतीय व शेतकरी नेलेल्या घटकांना खरेदीप्रक्रियेत सहभागी करून घेणे, यांसह रब्बी कांद्याची खरेदी झाली असताना खरीप निकृष्ट दर्जाचा कांदा पाठवणे व कांदा खरेदीसंबंधित कामकाजाची माहिती वरिष्ठांपासून लपविणे असे गंभीर आरोप त्यांच्यावर असल्याचे समजते..इतरांना वाचविण्याचा प्रकार‘एनसीसीएफ’ने सुरुवातीला खरीप कांद्याची खरेदी २०२३ मध्ये केली होती. शाखा व्यवस्थापक परीक्षित. एम यांच्या काळात झालेली ही खरेदी देखील संशयास्पद आहे. लोकप्रतिनिधी यांच्यासह जिल्हाधिकाऱ्यांनी वेळोवेळी माहिती मागूनही त्यांनी दिली नव्हती..त्यानंतर नुकतीच बदली झालेले प्रशांत मिश्रा यांच्यावरही गंभीर आरोप करण्यात आले होते. ग्रोवर यांच्याप्रमाणे इतरांची चौकशी झाली का, असाही सवाल आता उपस्थित होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
