Dharashiv News : मराठवाड्यात नॅचरल उद्योग समूह या वर्षी गाळपासाठी येणाऱ्या उसाला सर्वाधिक दर देणार असून या हंगामात तेरा लाख पंचवीस हजार मे. टन उसाचे गाळप करणार, असल्याची माहिती नॅचरल उद्योग समूहाचे संस्थापक अध्यक्ष कृषिरत्न बी. बी. ठोंबरे यांनी दिली. .नॅचरलच्या २४ व्या गाळप हंगामाचा मागील गळीत हंगामात कारखान्यास गाळपासाठी सर्वाधिक ऊस पुरवठा करणारे ऊस उत्पादक प्रदीप रामदास खोसे व सौ.अर्चना खोसे या दांपत्यांचे हस्ते विधिवत पूजन करून रविवारी (ता. २६) गव्हाणीत उसाची मोळी टाकून गळीत हंगामाचा प्रारंभ करण्यात आला. या कार्यक्रमांचे अध्यक्षीय भाषणात श्री. ठोंबरे बोलत होते..Sugarcane Crushing Season: आधी उसाचा दर जाहीर करा, मग कारखाने सुरू करा, अन्यथा वाहतूक रोखू, 'आंदोलन अंकुश'चा इशारा.या वेळी बोलताना श्री ठोंबरे म्हणाले, की नॅचरल शुगरचे कार्यक्षेत्रात मागील हंगामात लागवड केलेल्या व खोडवा ऊस सभासद व बिगर सभासद यांची१८ हजार २०० हेक्टर उसाची नोंद कारखान्याकडे झालेली असून यावर्षी तेरा लाख पंचवीस हजार टन ऊस गाळपाचे उदिष्ट आहे. कारखान्याकडे नोंदवलेला सभासद व बिगर सभासदांचा संपूर्ण ऊस गाळप केला जाणार आहे. .नॅचरल शुगरकडे येत्या गळीत हंगामासाठी सभासद आणि बिगर सभासद यांचे उसाची एकूण नोंद १८ हजार २०० हेक्टर झाली असून जास्तीत जास्त गाळप करणेसाठी कारखान्याची गाळप क्षमता वाढवून प्रति दिन ७५०० मेट्रिक टन गाळप करण्यात आली आहे. आपत्तीमुळे मांजरा नदीच्या महापुरात नुकसान झालेल्या उसाची तोडणी नॅचरल शुगरकडून प्राधान्याने केली जाणार आहे..Sugarcane Season : आम्ही चाललो ऊस तोडणीला....तसेच ज्या क्षेत्रावरील जमीन महापुरामुळे खरवडून जाऊन ऊस पिकाचे नुकसान झाले आहे, त्या शेतकऱ्यांना पुन्हा ऊस लागवडीसाठी विनामूल्य ऊस रोपाची उपलब्धता कारखाना करून देणार असल्याचे श्री ठोंबरे यांनी सांगितले. .या वेळी मागील गाळप हंगामामध्ये नॅचरल शुगरचे कर्मचारी, जास्तीत जास्त ऊस पुरवठा करणारे ऊस उत्पादक, ऊस तोडणी, वाहतूक ठेकेदार यांनी चांगले काम केल्याने त्यांचा यथोचित सत्कार करून प्रथम, द्वितीय व तृतीय क्रमांकाचे ठेकेदारांना रोख बक्षीसही देण्यात आले. या कार्यक्रमाचे सूत्रसंचालन व प्रास्ताविक कारखान्याचे संचालक कृषिभूषण पांडुरंग आवाड यांनी केले. तर संचालक संभाजीराव रेड्डी यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
