Shiradhon News: नॅचरल उद्योग समूहाच्या कार्यक्षेत्रातील मांजरा धरण पूर्ण क्षमतेने भरल्याने परिसरातील या आनंदाच्या क्षणी नॅचरल उद्योग समुहाने मांजरा धरणावर नॅचरल उद्योग समुहाचे संस्थापक अध्यक्ष बी. बी. ठोंबरे आणि उपकार्यकारी अभियंता अभिजित नितनवरे यांचे हस्ते विधीवत पूजा करून जलपूजन करण्यात आले. .जलपूजन प्रसंगी श्री ठोंबरे म्हणाले, की या धरणाचा धाराशिव, बीड लातूर या तीन जिल्ह्यांना फायदा होतो. मांजरा धरण दरवर्षी असेच भरावे आणि परिसरातील जनतेच्या पिण्याच्या पाण्याचा आणि शेतीच्या पाण्याचा प्रश्न कायमस्वरूपी मिटावा, अशी मनोकामना व्यक्त केली. परिसरातील शेतकऱ्यांनी शेतीसाठी ठिबक सिंचनाद्वारे, काटकसरीने आणि मोजकेच पाणी वापरून पाण्याची बचत करावी, असे आवाहन श्री. ठोंबरे यांनी केले..Jayakwadi Dam : जायकवाडीच्या आवकेत, विसर्गात वाढ.तसेच पश्चिम महाराष्ट्रातील मोठ्या क्षमतेच्या धरणापेक्षा मांजरा प्रकल्पातून ऊस शेती व कारखाने यामध्ये जास्तीची आर्थिक उलाढाल होते. या धरणावर १२ ते १३ साखर कारखाने चालतात. कारखाना कार्यक्षेत्रामध्ये मोठ्याप्रमाणात ऊस लागवड असून गाळप हंगाम २०२५-२६ साठी कारखान्याकडे १८ हजार २०० हेक्टरची ऊस नोंद झालेली आहे..कारखान्याकडे नोंदलेल्या सभासद व बिगर सभासदांच्या सर्व उसाचे गाळप नॅचरल शुगर करणार आहे. कारखाना प्रति दिन ७५०० मेट्रीक टन उसाचे गाळप करणार असून त्यासाठी सर्व मशिनरी दुरुस्ती व देखभालीची कामे पूर्ण करून येत्या ऑक्टोबर महिन्यामध्ये संपूर्ण मशिनरी गाळपासाठी सज्ज राहणार आहे..Bhandardara Dam : भंडारदरा, निळवंडेतून विसर्ग घटवला.या वेळी मांजरा प्रकल्पाचे उप कार्यकारी अभियंता अभिजित नितनवरे यांनी धरणातील पाण्याचे शेतीसाठी व पिण्याचे पाण्यासाठी काटेकोरपणे नियोजन करून पाणी वाटप करण्यात येईल, असे सांगितले..यावेळी संचालक अनिल ठोंबरे, पांडुरंग आवाड, बालाजी तट, प्रवर्तक किशोर डाळे, दिलीपराव भिसे, विष्णू मोहिते, मांजरा प्रकल्पाचे शाखा अभियंता अनुप गिरी, विकास ठोंबरे, जनरल मॅनेजर उद्धव दिवेकर, शेतकी अधिकारी अशोक गुजर व इतर कर्मचारी तसेच शेतकरी उपस्थित होते. कार्यक्रमाचे सूत्रसंचालन व प्रास्ताविक पांडुरंग आवाड यांनी केले तर प्रवर्तक किशोर डाळे यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
