Delhi News: केंद्र सरकारची धोरणे कामगार, शेतकरी आणि लोकशाहीविरोधी असल्याचा आरोप करीत देशभरातील कामगार आणि शेतकरी संघटनांनी १२ फेब्रुवारीला देशव्यापी संपाची हाक दिली आहे. याबाबतची माहिती देण्यासाठी त्रिची येथील उझावर संधाई येथे शुक्रवारी केंद्रीय कामगार संघटना आणि संयुक्त किसान मोर्चा (एसकेएम) यांच्याकडून संयुक्त पत्रकार परिषद घेण्यात आली. .या वेळी सेंटर ऑफ इंडियन ट्रेड युनियन्स, ऑल इंडिया ट्रेड युनियन काँग्रेस, इंडियन नॅशनल ट्रेड युनियन काँग्रेस, हिंद मजदूर सभा, ऑल इंडिया सेंट्रल कौन्सिल ऑफ ट्रेड युनियन्स, एसकेएम यासारख्या प्रमुख कामगार संघटनांचे प्रतिनिधी उपस्थित होते. या वेळी एकमताने सहा ठराव मंजूर करण्यात आले..Trade Unions Farmers Protest: १२ फेब्रुवारीला देशव्यापी संप; कामगार, शेतकरी संघटनांची घोषणा.या वेळी विविध संघटनांच्या नेत्यांनी केंद्राने लागू केलेले चार कामगार कायदे मागे घेण्याची मागणी केली. या कायद्यांमुळे सुमारे ८० टक्के कामगारांना कायदेशीर संरक्षणाच्या कक्षेबाहेर ढकलण्यात आले आहे. या कायद्यांच्या माध्यमातून मोठ्या देशी आणि बहुराष्ट्रीय भांडवलदारांना लाभ मिळवून देण्याचा उद्देश आहे. तसेच उद्योगांना कोणत्याही नियंत्रणाशिवाय व्यवसाय करण्याची मुभा दिल्याचा आरोप त्यांनी केला..Farmer Protest: नाशिकमधून उद्या मुंबईकडे ‘लाँग मार्च’.नवीन बियाणे विधेयक शेतकऱ्यांसाठी हानिकारक असल्याचा दावा करत, त्यांनी केंद्र सरकारकडे सर्व शेतीमालांसाठी किफायतशीर किमान आधारभूत किंमत (एमएसपी) निश्चित करण्याची मागणी केली..वीज निर्मिती आणि वितरणाचे खासगीकरण करण्याचा उद्देश असलेले वीज (सुधारणा) विधेयक रद्द करण्याचीही मागणी संघटनांच्या नेत्यांनी केली. तसेच, महात्मा गांधींचे नाव मनरेगा योजनेतून हटविण्याच्या केंद्राच्या निर्णयाचा निषेध नोंदविण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
