Jalgaon News : खानदेशात पीक कर्ज वितरण खरिपासाठी सुरू आहे. परंतु राष्ट्रीयीकृत बँका हे कर्ज देण्यासंबंधी हात आखडता घेत आहेत. जिल्हा बँकांनी मात्र आपले पीक कर्ज वितरण गतीने सुरू ठेवले आहे. .धुळे - नंदुरबार जिल्हा बँक, जळगाव जिल्हा बँकेने खरिपासाठी पीक कर्ज वितरण लक्ष्यांक निश्चितीनंतर प्रस्ताव वेगात स्वीकारले व कर्ज वितरण सुरू केले. या बँकेने पीक कर्ज वितरण लक्ष्यांक पूर्ण केला आहे. .Crop Loan : उद्दिष्टाच्या ५० टक्केच पीककर्ज वितरित.जळगाव जिल्हा बँकेला यंदा सुमारे एक हजार ५० कोटी रुपये पीक कर्ज वितरण सप्टेंबर २०२४ पर्यंत करायचे आहे. धुळे - नंदुरबार जिल्हा बँकेला सुमारे २४१ कोटी रुपये पीक कर्ज वितरण करायचे आहे. या दोन्ही बँकांनी लक्ष्यांकातील पीक कर्ज वितरण सुरवातीपासून गतीने केले आहे..खानदेशात राष्ट्रीयीकृत बँकांनी पीक कर्ज वितरण संथ गतीने केले आहे. रब्बीतही ७४ टक्केच पीक कर्ज वितरण झाले होते. आता खरिपातही गती संथ राहिल्यास पीक कर्ज वितरण प्रशासनाने निश्चित केलेल्या लक्ष्यांकाएवढे वितरित होणार नाही, अशी स्थिती आहे. .जळगाव जिल्ह्यात एकूण सुमारे २६०० कोटी रुपये पीक कर्ज वितरण अपेक्षित आहे. तर धुळे - नंदुरबारात मिळून सुमारे १५०० कोटी रुपये पीक कर्ज वितरण अपेक्षित आहे. नंदुरबारात स्टेट बँक अग्रणी बँक आहे. जळगावात सेंट्रल बँक अग्रणी बँक आहे. परंतु या दोन्ही जिल्ह्यांत राष्ट्रीयीकृत बँकांकडून अद्याप ५५ टक्केही पीक कर्ज वितरण झालेले नसल्याने शेतकऱ्यांची नाराजी आहे..Crop Loan Target : ‘डीसीसी’कडून पीककर्जाचे उद्दिष्ट साध्य.तसेच अनेक शेतकऱ्यांचे नवे पीक कर्ज प्रस्ताव बँकांत पडून आहेत. त्यावर प्रशासन कार्यवाही करीत नसल्याने अडचणी आहेत. नव्या प्रस्तावासाठी जमिनीचे मूल्यपत्रही मागितले जात आहे. तसेच सर्च रिपोर्ट व अन्य माहितीही बँका मागत आहेत. यात मोठा खर्च येत असून, १५ ते २० दिवस वणवण फिरून हे काम कसेबसे पूर्ण होत आहे. यानंतर बँका पीक कर्ज प्रस्ताव स्वीकारत आहेत. यामुळे शेतकरी नाराज असून, पीक कर्ज देताना फक्त सातबारा, आठ अ आणि अलीकडच्या दोन वर्षातील फेरफार नोंदीच मागण्याचा अधिकार बँकांना असावा, अशी अपेक्षा व्यक्त करीत आहेत..सिबिल स्कोर व रिपोर्टची तपासणीराष्ट्रीयीकृत व खासगी बँका पीक कर्ज देताना शेतकऱ्यांचा सिबिल स्कोर व सिबिल रिपोर्ट तपासत आहेत. सिबिल रिपोर्टमध्ये शेतकऱ्याने अन्य बँकांकडून पीक कर्ज घेतले आह का, फेरफार नोंदी व अन्य माहिती तपासून सिबिल रिपोर्ट तयार केला जात आहे. परंतु पीक कर्ज देताना काही बँका सिबिल स्कोरला अधिकचे महत्त्व न देता शेतकऱ्यांना सहकार्य करीत असल्याचेही चित्र आहे. परंतु काही खासगी बँका, राष्ट्रीयीकृत बँका सिबिल स्कोरची अट घालून शेतकऱ्यांना पीक कर्ज नाकारत असल्याची स्थिती आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
