Forest Protection: सिंहस्थ कुंभमेळ्याच्या निमित्ताने रस्ते रुंदीकरणासाठी सुरू असलेल्या नाशिक शहरातील वृक्षतोडीला राष्ट्रीय हरित लवादाने तात्पुरती स्थगिती दिली आहे. येत्या २८ एप्रिलपर्यंत शहरात कोणत्याही प्रकारची वृक्षतोड करू नये, असे स्पष्ट निर्देश देत लवादाने महापालिका प्रशासनाला या प्रकरणी सविस्तर प्रतिज्ञापत्र सादर करण्याचे आदेश दिले आहेत..विकासकामे, विशेषतः रस्ते रुंदीकरणासाठी गंगापूर रोड भागातील अनेक जुनी आणि मोठी झाडे तोडली जात असताना स्थानिक नागरिक आणि पर्यावरणप्रेमींनी या वृक्षतोडीला तीव्र विरोध केला होता. मात्र प्रशासनाने हा विरोध डावलून वृक्षतोड सुरूच ठेवल्याने पर्यावरणप्रेमींनी हरित लवादाच्या पश्चिम विभागीय खंडपीठात धाव घेतली होती. यावर लवादाने २८ एप्रिलपोर्यंत स्थगिती दिली..Illegal Tree Cutting: स्टॉल उभारण्यासाठी झाडाची कत्तल.गेल्या अनेक दिवसांपासून वृक्षतोडीविरोधात रस्त्यावर उतरून आंदोलन करणाऱ्या नाशिककर आणि पर्यावरणप्रेमींसाठी लवादाचा हा निर्णय मोठा दिलासा मानला जात आहे. आता पुढील सुनावणीत महापालिका काय उत्तर सादर करते, याकडे सर्वांचे लक्ष लागले आहे..वृक्षतोड नको : ॲड. पिंगळेलवादाने आदेश दिल्यानंतर ॲड. श्रीराम पिंगळे यांनी वृक्षतोड आणि प्रशासनाच्या धोरणांवर भूमिका स्पष्ट केली. त्यांनी नमूद केले, की प्रशासनाकडून नोटीस काढली जाते, मात्र त्यात झाडांची संख्या किंवा प्रकार याबाबत माहिती दिली जात नाही. हरकती मागविल्या जातात आणि सुनावणीही घेतली जाते, परंतु अंतिम आदेश वेळेवर काढला जात नाही. .तसेच, आदेश जाणीवपूर्वक शुक्रवारी संध्याकाळी काढला जातो, ज्यामुळे झाडे तोडण्यासाठी शनिवार आणि रविवार हे दिवस सहज उपलब्ध होतात. विशेष म्हणजे, उच्च न्यायालयाच्या आदेशामुळे वाचलेली झाडे देखील नाशिक प्रशासनाने सोमवारी तोडल्याचे त्यांनी निदर्शनास आणून दिले..Yavatmal Tree Controversy: चंदनाचा मोबदला मागणाऱ्या शेतकऱ्याचा मृत्यू.लवादाचे ताशेरे आणि आदेशमंगळवारी (ता.७) झालेल्या सुनावणीत लवादाने प्रशासनाच्या भूमिकेवर गंभीर प्रश्नचिन्ह उपस्थित केले. ‘पर्यावरणाचा समतोल राखणे ही प्रशासनाची मूलभूत जबाबदारी आहे,’ असे ठामपणे नमूद करत लवादाने २८ एप्रिलपर्यंत शहरात कोणतीही नवीन वृक्षतोड करू नये, असे निर्देश दिले आहेत. तसेच महापालिका व संबंधित यंत्रणांनी पर्यावरणीय नियमांचे पालन केले आहेत का, याबाबत आपली भूमिका प्रतिज्ञापत्राद्वारे स्पष्ट करावी..वृक्षतोडीचा निर्णय अचानक घेतलेला नाही. फेब्रुवारीत या संदर्भात जाहीर नोटीस जारी केली होती. ३० मार्चला सुनावणी झाली. सुनावणीवेळी पर्यावरणप्रेमी, वृक्षतोडीचे समर्थक, अपघातग्रस्त कुटुंबीय उपस्थित होते. त्यांच्या सूचना विचारात घेऊन प्रक्रिया राबविली. २८ एप्रिलला हरित लवादासमोर सुनावणी होईल. तेथे महापालिका म्हणणे सादर करेल.हिमगौरी आडके, महापौर, नाशिक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
