Monsoon Update: गेल्या पाच दिवसांपासून धुमाकूळ घालणाऱ्या पावसाने गुरुवारी (ता. ९) उघडीप दिल्याने जिल्ह्यातील बहुतांश भागात पूरस्थिती ओसरली आहे. शुक्रवार (ता. १०) रोजी जिल्हा प्रशासनाने दिलेल्या आकडेवारीनुसार, बहुतांश महसूल मंडळांमध्ये पावसाचा जोर कमी झाला आहे. .जिल्ह्यात जूनपासून आतापर्यंत सरासरीच्या ८१.१ टक्के पावसाची नोंद झाली आहे. तरी काही ठिकाणी तालुकानिहाय मोठी तफावत कायम आहे. जिल्ह्याचा मुख्य भातपट्टा असलेल्या इगतपुरी, पेठ आणि सुरगाणा तालुक्यांत अद्यापही दमदार पावसाची प्रतीक्षा असून भात उत्पादक शेतकऱ्यांची चिंता वाढली आहे..Sindhudurg Rain Update: सिंधुदुर्गात वादळी पावसामुळे अनेक भागांत पडझड.विशेषतः इगतपुरीत सरासरीच्या केवळ ३३ टक्के, तर पेठमध्ये ४५.६ टक्के आणि सुरगाण्यात ६३.५ टक्के पावसाची नोंद झाली आहे. दुसरीकडे कळवण (१४२.३), सिन्नर (१२७.६), बागलाण (१२५.७), नांदगाव (१२३.६), चांदवड (११९.२), निफाड (११९.१), नाशिक (११७.६) आणि त्र्यंबकेश्वर (१११.४) या तालुक्यांनी सरासरीपेक्षा अधिक पावसाचा टप्पा पार केला आहे. त्यामुळे या भागातील खरिपाच्या पिकांना दिलासा मिळाला आहे..Marathwada Heavy Rainfall: मराठवाड्यात पावसाचे थैमान.देवळा,मालेगाव आणि दिंडोरी तालुक्यांमध्ये पाऊस सरासरीच्या आसपास असून येवला तालुक्यात काहीशी घट आहे. गेल्या काही दिवसांतील मुसळधार पावसानंतर सध्या उघडीप मिळाल्याने शेतकऱ्यांना शेतीची कामे करण्याची संधी मिळाली असली, तरी भातपट्ट्यातील पावसाची कमतरता कायम असल्याने पुढील काही दिवसांत दमदार पावसाची गरज आहे..धरणसाठ्यात वाढ; तरीही गतवर्षापेक्षा कमीजिल्ह्यातील ७ मोठी व १९ मध्यम अशा २६ धरणांत ४५.६८ टक्के उपयुक्त पाणीसाठा आहे. तर गतवर्षी याच दिवशी साठा होता ५८.३२ टक्के होता. गंगापूर धरणात ७०.६९ टक्के पाणीसाठा झाल्याने नाशिककरांसाठी दिलासा मिळाला आहे. चणकापूर धरणातून ७८५ क्युसेकने पाण्याचा विसर्ग सुरू आहे. माणिकपुंज धरण पूर्ण कोरडे, तर नागासाक्या धरणात केवळ ०.५० टक्के साठा आहे. उत्तर पूर्व भागात दमदार पावसाची प्रतीक्षा कायम आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
