Nashik Pune Railway Line: नाशिक-पुणे सेमी हायस्पीड सरळ रेल्वेमार्गाच्या मागणीसाठी क्रांतिदिनानिमित्त रविवारी (ता. ९) नाशिक, सिन्नर, संगमनेर आणि मंचर, चाकण परिसरात ‘चक्का जाम’ आंदोलन करण्यात आले. यासंदर्भातील मागण्यांसाठी ठिकठिकाणी आंदोलक रस्त्यावर उतरले..सिन्नर तालुक्यातील गोंदे फाटा येथे आमदार सत्यजित तांबे यांच्या नेतृत्वाखाली आणि खासदार राजाभाऊ वाजे यांच्या उपस्थितीत आंदोलन झाले. आंदोलनादरम्यान पोलिसांनी आंदोलकांना समृद्धी महामार्गावर जाण्यापासून रोखण्याचा प्रयत्न केला. या वेळी आंदोलक आणि पोलिसांमध्ये झटापट झाली..Nashik Pune Rail: नाशिक -पुणे रेल्वे जुन्या मार्गानेजाण्यासाठी माकपची स्वाक्षरी मोहीम.पोलिसांनी तांबे यांच्यासह काही आंदोलकांना ताब्यात घेतल्याने आंदोलनस्थळी काही काळ तणाव निर्माण झाला. केंद्रीय रेल्वेमंत्री आश्विनी वैष्णव यांनी पुण्यात पत्रकारांशी संवाद साधताना हा प्रकल्प रद्द झाल्याचे जाहीर केल्याने नागरिकांमध्ये असंतोष निर्माण झाला आहे. हा असंतोष लोकशाही मार्गाने व्यक्त करण्यासाठी क्रांतिदिनी चक्काजाम आंदोलन करण्यात आल्याचे आंदोलकांनी सांगितले..Nashik Pune Railway: नाशिक-पुणे रेल्वे मार्गासाठी ९ ऑगस्टला ‘रास्ता रोको’ ; सत्यजित तांबे यांची माहिती.नाशिक-पुणे रेल्वेचा मूळ मार्ग पुणे-चाकण-राजगुरुनगर-मंचर-नारायणगाव-आळेफाटा-संगमनेर-सिन्नर-नाशिक असा प्रस्तावित होता. मात्र नंतर या मार्गात बदल करून नाशिक-शिर्डी-पुणतांबा-अहिल्यानगर-चाकण हा पर्यायी मार्ग पुढे करण्यात आला. त्यामुळे पुणे, अहिल्यानगर व नाशिक जिल्ह्यांतील नागरिकांमध्ये नाराजी आहे..दरम्यान, आंदोलकांच्या मागण्यांबाबत सात दिवसांत निर्णय घेण्याचे आश्वासन जलसंपदामंत्री गिरीश महाजन यांनी दिल्याचे तांबे यांनी सांगितले..जनतेच्या भावनेचा आणि व्यापक जनहिताचा विचार करून या रेल्वेबाबतचा निर्णय आता कालबद्ध पद्धतीने होणे आवश्यक आहे. आता निर्णय हवा, विलंब नको. मागण्यांवर तातडीने सकारात्मक कार्यवाही न झाल्यास लोकशाही आणि सनदशीर मार्गाने सुरू असलेल्या जनआंदोलनाला पुढील टप्प्यात अधिक व्यापक स्वरूप देण्यात येईल.सत्यजित तांबे, आमदार, नाशिक पदवीधर मतदारसंघ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
