Nashik News : अतिवृष्टीमुळे मोठ्या प्रमाणात शेतीचे नुकसान झाले असून शेतकऱ्यांवर तीव्र संकट ओढावले आहे. या पार्श्वभूमीवर नाशिकचे खासदार राजाभाऊ वाजे व दिंडोरीचे खासदार भास्कर भगरे यांनी मंगळवारी (ता. २८) नवी दिल्ली येथे केंद्रीय कृषी व शेतकरी कल्याण मंत्री शिवराज सिंग चौहान यांची भेट घेऊन अतिवृष्टिग्रस्त शेतकऱ्यांसाठी संपूर्ण कर्जमाफी जाहीर करण्याची मागणी केली. या भेटीदरम्यान खासदार वाजे यांनी सविस्तर अहवाल आणि निवेदन सादर केले. .खासदार वाजे यांनी सांगितले, की मे महिन्यापासून जिल्ह्यात पाऊस आहे. तर आता अतिवृष्टीमुळे कांदा, द्राक्ष, सोयाबीन, भात, मका, टोमॅटो तसेच भाजीपाला पिकांचे मोठे नुकसान झाले आहे..Loan Waiver Committee: कर्जमुक्ती समितीला अखेर मुहूर्त.शेतकऱ्यांनी गेल्या काही वर्षांत दुष्काळ, अवेळी पाऊस आणि वाढता उत्पादन खर्च अशा अनेक संकटांचा सामना केला आहे. त्यात या वर्षी पिकांचे नुकसान आणि बाजारभावातील घसरण यामुळे शेतकरी कर्जबाजारी झाले आहेत. बँकांकडून वसुलीच्या कारवाया सुरू झाल्या असून, काही ठिकाणी शेतजमिनींचे लिलावही झाले आहेत. .Farmer Loan Waiver: कर्जमाफीच्या बैठकीत उशिरापर्यंत चर्चेचे गुऱ्हाळ.परिणामी, अनेक शेतकरी आत्महत्येस प्रवृत्त होत आहेत, ही अत्यंत चिंताजनक परिस्थिती आहे. या गंभीर स्थितीवर उपाय म्हणून केंद्रीय मंत्र्यांना तत्काळ संपूर्ण कर्जमाफी योजना जाहीर करण्याची मागणी केली आहे..संवेदनशीलतेने निर्णय घ्यावानाशिक देशाच्या कृषी अर्थव्यवस्थेचा कणा आहे. येथे उत्पादित होणारा कांदा आणि द्राक्ष केवळ महाराष्ट्र नव्हे, तर देशाच्या निर्यात क्षेत्रालाही बळकटी देतात. पण सध्याच्या परिस्थितीत शेतकऱ्यांचे अस्तित्वच धोक्यात आले आहे..त्यामुळे केंद्र सरकारने संवेदनशीलतेने निर्णय घेऊन तत्काळ उपाययोजना कराव्यात. कर्जमाफी आणि केंद्र साह्य पॅकेज तातडीने राबविण्यात आले, तर हजारो शेतकऱ्यांना दिलासा मिळून कृषी अर्थव्यवस्थेला नवसंजीवनी मिळेल. या वेळी खासदार भगरे देखील उपस्थित होते.महत्त्वाच्या मागण्यापीकविमा दावे तातडीने निकाली काढावेत.महाराष्ट्रासाठी एनडीआरएफ अंतर्गत विशेष केंद्र साहाय्य पॅकेज मंजूर करावे.पुढील हंगामासाठी बियाणे, खते, कीटकनाशके यावर अनुदान वाढवावे.हवामान बदलामुळे वारंवार होणाऱ्या नैसर्गिक आपत्तींवर मात करण्यासाठी दीर्घकालीन कृषी शाश्वतता आराखडा तयार करावा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
