Grape Crop Management: नाशिक, निफाड, दिंडोरी, चांदवड व येवला तालुक्यांत सध्या एप्रिलमधील ‘खरड’ छाटणीला वेग आला आहे. कुशल मनुष्यबळ उपलब्ध करून ही कामे वेळेत पूर्ण करण्यावर शेतकऱ्यांचा भर आहे. .उन्हाचा पारा वाढत असल्याने नवीन फुटीच्या संरक्षणासाठी नियोजन केले जात आहे. एकूणच, नैसर्गिक आपत्तीमुळे उत्पादनात घट व खर्चात वाढ होऊन शेतीचे अर्थकारण विस्कळीत झाले असले, तरी दर्जेदार उत्पादनाला मिळालेल्या दरामुळे शेतकऱ्यांमध्ये नव्या उमेदीने काम करण्याची जिद्द निर्माण झाली आहे..Grape Crop Management: गारपिटीनंतर नियोजनबद्ध उपाययोजना महत्त्वाची.द्राक्ष पट्ट्यात यंदा बहुसंख्य शेतकऱ्यांच्या बागांमध्ये उत्पादन नव्हते. ज्यांच्याकडे गुणवत्तापूर्ण माल होता, त्यांची निर्यात झाली; तसेच देशांतर्गत बाजारपेठेतही समाधानकारक दर मिळाले. त्यामुळे द्राक्ष उत्पादकांच्या आशा पुन्हा पल्लवित झाल्या आहेत. हंगाम संपताच बागायतदार विश्रांती न घेता पुढील वर्षाच्या तयारीला लागले आहेत..Grape Crop Disease: ढगाळ, पावसाळी वातावरणाची शक्यता,कोवळ्या पानांवर वाढेल करपा प्रादुर्भाव.बहुतांश शेतकरी आर्थिक कोंडीतचगेल्या वर्षी ऑक्टोबरमधील अतिवृष्टी आणि त्यानंतर जानेवारी-फेब्रुवारीतील धुक्यामुळे ‘डाऊनी’ व ‘भुरी’सारख्या रोगांचा प्रादुर्भाव झाला. परिणामी ५० ते ६० टक्के बागांमध्ये घड निर्मिती झाली नाही, तर ‘गळकुजी’मुळे मोठे नुकसान झाले. मात्र प्रतिकूल परिस्थितीतून वाचलेल्या दर्जेदार मालाला युरोप व आखाती देशांतून मोठी मागणी राहिली. इस्राईल, अमेरिका आणि इराणमधील युद्धपरिस्थितीचाही काही प्रमाणात परिणाम झाला. निर्यातक्षम द्राक्षांना प्रतिकिलो १४० ते २१० रुपये, तर स्थानिक बाजारात ७० ते १२० रुपये दर मिळाले. त्यामुळे काही प्रमाणात आर्थिक आधार मिळाला; मात्र बहुतांश शेतकऱ्यांचा उत्पादन खर्चही निघाला नसल्याने ते आर्थिक कोंडीतच आहेत..वातावरणीय बदलांचा मोठा फटका हंगामाला बसला आहे. पीकसंरक्षणावर खर्च करूनही अनेक बागांमध्ये उत्पादन मिळाले नाही. त्यामुळे काही शेतकऱ्यांचे शंभर टक्के नुकसान झाले आहे. या पार्श्वभूमीवर शासनाने द्राक्ष उत्पादकांची जुने पीककर्ज माफ करून पुढील हंगामासाठी विनाव्याज कर्ज उपलब्ध करून द्यावे.बाळासाहेब गडाख, विभागीय अध्यक्ष, महाराष्ट्र राज्य द्राक्ष बागायतदार संघ (नाशिक विभाग).दर्जेदार मालाला मिळालेल्या समाधानकारक दरामुळे शेतकऱ्यांनी आगामी हंगामाची तयारी मोठ्या आशेने सुरू केली आहे. सध्या ‘खरड छाटणी’च्या कामांना वेग आला आहे.बापू साळुंके, प्रगतिशील द्राक्ष उत्पादक शेतकरी, वडनेर भैरव, ता. चांदवड.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
