Pending Grape Farmer Payments Cleared: दिंडोरी, निफाड व नाशिक तालुक्यांतील द्राक्ष उत्पादक शेतकऱ्यांची दोन वर्षांपासून थकीत असलेली सुमारे ६५ लाख रुपयांची रक्कम अखेर अदा करण्यात आली. व्यापारी आणि शेतकऱ्यांमध्ये ओझर पोलिसांनी मध्यस्थी केल्यानंतर अवघ्या २० दिवसांत २५ शेतकऱ्यांना त्यांची थकीत रक्कम मिळाल्याची माहिती ओझर पोलिस ठाण्याचे पोलिस निरीक्षक महेश कुलकर्णी यांनी दिली..द्राक्ष खरेदी केल्यानंतर शेतकऱ्यांचे पैसे थकीत ठेवल्याप्रकरणी दिंडोरी, ओझर आणि पिंपळगाव पोलिस ठाण्यांत स्वतंत्र गुन्हे दाखल करण्यात आले होते. या प्रकरणात मुख्य व्यापारी हेमंतकुमार सिंग याच्यासह नितीन जंगल रासस्कर आणि कृष्णा रामनाथ निमसे यांच्यावर कारवाई करण्यात आली होती..Grape Farmer Fraud: द्राक्ष उत्पादकांची ६३ लाखांची फसवणूक.बिहार येथे गेलेल्या हेमंतकुमार सिंग याला ओझर पोलिसांनी बिहारमधील सुलतानगंज येथून ताब्यात घेतले. त्यानंतर पोलिस निरीक्षक महेश कुलकर्णी यांच्या पुढाकाराने शेतकरी आणि व्यापाऱ्यांची बैठक घेण्यात आली. शेतकऱ्यांची आर्थिक अडचण लक्षात घेऊन व्यापाऱ्याने थकीत रक्कम अदा करण्याची तयारी दर्शविली. त्यानुसार टप्प्याटप्प्याने शेतकऱ्यांना पैसे देण्यात आले असून, आतापर्यंत सुमारे ६५ लाख रुपये अदा करण्यात आले आहेत..Maize Farmers Payment Pending: मका उत्पादक शेतकऱ्यांचे ७५ लाख रखडले.एकूण ३० हून अधिक शेतकरी या प्रकरणात बाधित असल्याची माहिती आहे. मुख्य व्यापारी हेमंतकुमार सिंग (रा. आरटीओ कॉर्नर, नाशिक) याच्यासह नितीन जंगल रास्कर (रा. पंचवटी नगर, ओझर मिग) आणि कृष्णा रामनाथ निमसे (रा. नांदूर नाका) यांना नाशिक जिल्हा न्यायालयातून जामीन मिळाल्याची माहिती त्यांच्या वकिलांनी दिली. पोलिसांच्या पुढाकारामुळे व्यापाऱ्याशी चर्चा झाली आणि २० दिवसांत थकीत रक्कम मिळाली. पैसे मिळाल्याने मोठा दिलासा मिळाल्याचे सांगत शेतकऱ्यांनी ओझर पोलिसांचे आभार मानले..काय आहे प्रकरण?निफाड, दिंडोरी आणि नाशिक तालुक्यांतील द्राक्ष उत्पादकांचा माल खरेदी करून सुमारे ७९ लाख रुपयांची फसवणूक केल्याप्रकरणी हेमंतकुमार सिंग याला ओझर पोलिसांनी बिहारमधील सुलतानगंज येथून अटक केली होती. त्याला पिंपळगाव बसवंत न्यायालयात हजर केले असता चार दिवसांची पोलिस कोठडी सुनावण्यात आली. त्यानंतर शेतकरी आणि संबंधित व्यापाऱ्याची बैठक घेण्यात आली. या प्रक्रियेत आतापर्यंत ६५ लाख रुपये शेतकऱ्यांना परत मिळाले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
