Fuel Distribution: नाशिक जिल्ह्यात इंधनाच्या पुरवठा आणि वितरणामध्ये होणाऱ्या गैरप्रकारांना आळा घालण्यासाठी जिल्हा प्रशासनाने कंबर कसली आहे. गेल्या काही महिन्यांत इंधनाच्या मागणी आणि विक्रीमध्ये मोठी विसंगती आढळून आल्याने जिल्हाधिकारी आयुष प्रसाद यांच्या मार्गदर्शनाखाली मंगळवारपासून (ता.२) संपूर्ण जिल्हाभरात विशेष तपासणी मोहीम राबविण्यात येणार आहे..मिळालेल्या माहितीनुसार, जिल्ह्यात गेल्या तीन महिन्यांत संस्थात्मक स्तरावरील इंधन मागणीत तब्बल ५० टक्के घट झाली आहे. मात्र, दुसरीकडे पेट्रोल पंपांवरील किरकोळ विक्री मात्र दुपटीने वाढल्याचे समोर आले आहे. यामुळे संस्थात्मक ग्राहकांकडून पेट्रोल आणि डिझेलची खरेदी नियमबाह्य पद्धतीने थेट पेट्रोल पंपांवरून केली जात असल्याचा तीव्र संशय प्रशासनाला आहे..Farmer Diesel Supply: फार्मर आयडी दाखवून बॅरल, कॅनमधूनही मिळणार डिझेल; शेतकऱ्यांना दिलासा.Fuel Supply Issuesजिल्ह्यात सध्या इंधनाचा पुरेसा साठा उपलब्ध आहे, असे असतानाही अनेक पेट्रोल पंपांवर ''इंधन टंचाई'' किंवा ''पेट्रोल पंप बंद आहे'' असे फलक झळकत असल्याचे निदर्शनास आले आहे. या विसंगतीची जिल्हा प्रशासनाने गंभीर दखल घेतली आहे. जिल्हाधिकारी आयुष प्रसाद यांनी स्पष्ट केले की, ‘किरकोळ ग्राहक आणि संस्थात्मक ग्राहक’ या दोन स्वतंत्र श्रेणी आहेत. संस्थात्मक इंधन खरेदीसाठी स्वतंत्र नियम लागू आहेत. .सर्वोच्च न्यायालयानेदेखील ‘इंडियन ऑइल कॉर्पोरेशन विरुद्ध केरळ स्टेट रोड ट्रान्सपोर्ट कॉर्पोरेशन’ प्रकरणातील निकालात या दोन्ही ग्राहकवर्गांतील भिन्नता स्पष्ट केली आहे. त्यामुळे किरकोळ विक्रीसाठी असलेल्या पेट्रोल पंपांद्वारे मोठ्या व्यावसायिक अथवा संस्थात्मक ग्राहकांना इंधन पुरवठा करणे नियमबाह्य ठरते. त्यानुसार केंद्र सरकारने इंधन पुरवठा व वितरणातील गैरप्रकार रोखण्यासाठी जिल्हा प्रशासनाला विशेष अधिकार बहाल केले आहेत.या अधिकारांचा वापर करून दोषींवर कठोर कारवाई केली जाणार आहे..Fuel Stock Solapur: इंधनाचा मुबलक साठा; पुरवठा सुरळीत ठेवा: जिल्हाधिकारी.जिल्ह्यातील सर्व १५ तालुक्यांमध्ये विशेष तपासणी पथके तैनात करण्यात आली आहेत. जिल्हा पुरवठा अधिकारी, उपविभागीय अधिकारी, तहसीलदार आणि संबंधित यंत्रणांमार्फत पेट्रोल पंप तसेच इंधन वाहतूक करणाऱ्या वाहनांची अचानक (आकस्मिक) तपासणी केली जाणार आहे.....तर परवाना रद्द होणारअनधिकृत इंधन वळवण किंवा नियमबाह्य पुरवठा केल्याचे आढळल्यास संबंधित डीलरचा परवाना तात्काळ निलंबित किंवा रद्द करण्यात येईल.तपासणीत दोषी आढळणाऱ्यांविरुद्ध ''अत्यावश्यक वस्तू अधिनियम, १९५५'' तसेच इतर लागू कायद्यांनुसार फौजदारी गुन्हे दाखल करण्यात येतील,असा इशारा जिल्हाधिकारी आयुष प्रसाद यांनी दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
