Nashik Fuel Update: नाशिक जिल्ह्यात पेट्रोल, डिझेल आणि घरगुती गॅसचा मुबलक साठा उपलब्ध असून पुरवठा साखळी पूर्णपणे सुरळीत आहे. नागरिकांनी सोशल मीडियावरील इंधन टंचाईच्या अफवांना बळी पडू नये, असे आवाहन जिल्हाधिकारी आयुष प्रसाद यांनी केले आहे..जिल्हाधिकाऱ्यांनी स्पष्ट केले की, ऑईल मार्केटिंग कंपन्यांकडून इंधनाचा पुरवठा नियमित सुरू आहे. मात्र, चुकीच्या माहितीमुळे नागरिक पेट्रोल पंपांवर मोठी गर्दी करत आहेत. या ‘पॅनिक बायिंग’ (गरजेपेक्षा जास्त खरेदी) मुळे काही पंपांवर तात्पुरता साठा संपल्याचे चित्र निर्माण होत आहे. ही परिस्थिती केवळ कृत्रिम असून, प्रत्यक्षात जिल्ह्यात कोणताही तुटवडा नाही.नागरिकांनी संयम राखून केवळ गरजेपुरतेच इंधन खरेदी करावे,जेणेकरून पुरवठा व्यवस्थेवर ताण येणार नाही..Fuel Shortage Rumors: कॅन, डब्यात पेट्रोल दिल्यास गुन्हा दाखल होणार.पर्यायी इंधन म्हणून केरोसीन वितरणजागतिक भू-राजकीय परिस्थितीचा विचार करून केंद्र शासनाने महाराष्ट्रासाठी ३ हजार ७४४ किलो लिटर केरोसीन मंजूर केले आहे. यापैकी नाशिक जिल्ह्याला २९२ किलो लिटर साठा मिळाला असून तो रास्त भाव दुकानांमार्फत वितरित केला जाईल. अंत्योदय आणि प्राधान्य कुटुंब योजनेतील लाभार्थी प्राधान्य असणार आहे. प्रति शिधापत्रिका ३ लिटर केरोसीन वाहतुकीसाठी १९ टँकर सज्ज असून तालुकानिहाय मागणीनुसार वाटप करण्यात येणार आहे..Fuel Crisis: इंधन सुरक्षाच ‘गॅस’वर.जिल्ह्यात घरगुती गॅस सिलिंडरचाही साठा(प्रशासनाने दिलेल्या माहितीनुसार २५ मार्च २०२६ पर्यंत)भारत गॅस: १८,६०० सिलिंडर (६३ एजन्सी)एचपी गॅस: १३,७९५ सिलिंडर (४२ एजन्सी)इंडेन गॅस: १,०२८ सिलिंडर (२९ एजन्सी)एकूण १३४ गॅस एजन्सीमार्फत १९.९४ लाख.नाशिक जिल्ह्यात पेट्रोल, डिझेल व घरगुती गॅसची वाढती मागणी लक्षात घेता पुरवठा सुरळीत ठेवण्यासाठी प्रशासन, तेल कंपन्या व वितरकांनी समन्वयाने कार्य करावे. कोणत्याही आफवांवर विश्वास न ठेवता नागरिकांनी अनावश्यक गर्दी व इंधन साठेबाजी टाळून संयम बाळगावा.गिरीश महाजन, कुंभमेळा मंत्री.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
